SQO-da byltyr - 2068 páter, biyl - 2240 páter salyndy. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Kelesi jylǵy meje - 2840 páter. Bizdiń 3000 páter salýǵa da múmkindigimiz bar», - deidi SQO ákimi Qumar Aqsaqalov.
Ol biyl SQO-da 8300 adam baspana jaǵdaiyn jaqsartatynyn aitty.
«Onyń 126-sy - kópbalaly otbasy. Sondai-aq, «7-20-25» baǵdarlamasy boiynsha 851 páter qoldanysqa beriledi. Búgingi kúni onyń 464-i satyldy», - deidi ol.
Jalpy, osy jyldyń on aiynda qurylys jumystary - 3,9%, turǵyn úi qurylysy - 2%, turǵyn úi qurylysyna salynǵan investitsiia - 24% ósken.
