Jyl sońyna deiin Shymkent qalasyndaǵy 982 otbasy qonys toiyn atap ótedi. Páter kezegin kútkender úshin Tólemetov kóshesindegi kóp qabatty úi salynyp bitti, dep habarlaidy Ult.kz tilshisi.
Jýyrda sol qurylysqa tapsyrys berýshi qala ákimdiginiń jaýapty mamandary salynyp jatqan úilerdiń sapasyn kópshilikke kórsetip, páterler kimderge beriletinin túsindirdi. Nursát shaǵynaýdanynda ornalasqan 9-qabatty turǵyn úidiń qurylysy tolyq aiaqtalyp, óz ielerin kútip tur.
Alpysqa jýyq páterdiń kilti «Turǵyn úi quyrlys jinaq bankisinde» salymy bar azamattarǵa beriledi. Jalpy jyl sońyna deiin osy aýmaqtan 56 jáne 74 páterli 27 kópqabatty úi qoldanysqa berilmek.
Al shaharda jyl basynan beri aýmaǵy 302 myń sharshy metr bolatyn 76 úi salyndy. Osylaisha «Turǵyn úi qurylys jinaq banki» óz salymshylaryna kórsetiletin qyzmet aýqymyn keńeitip, el igiligine beriletin páter sanyn kóbeitpek.
Budan bólek 2018 jyly «Nurly jer» baǵdarlamasy aiasynda oblys ortalyǵynda 2478 páterli úi salý jospary bar. Bank salymshylary úshin páterdiń ár sharshy metri 140 myń teńgeni quramaq. Ol yńǵailylyǵy jaǵynan úshinshi klasqa jatqyzylǵan.
Stastistika boiynsha búgingi tańda úi salyp, ony ótkizý 6 esege ósse, 2018 jyly bul kórsetkish 10 ese joǵary bolady degen boljam bar. Bul ekinshi klasty jailylyqty qospaǵandaǵy kórsetkish. Ol «Óz úiim» atty baǵdarlama boiynsha páterdiń ár sharshy metriniń quny 180 myń tengeni quraidy. Al jeke úi salýshylarynyń esebinen iske asatyn baǵdarlama boiynsha salynatyn páterlerdiń ár sharshy metriniń quny 220 myń teńgege jetedi.
Qalai desek te, baǵa men jailylyqty tańdaý - salymshylardyń óz erkinde. Keler jyly Shymkentte «Nurly jer» baǵdarlamasymen «Bozaryq», «Bozaryq 2» degen ataýmen jańa eki móltekaýdan boi kóterýi múmkin. Mamandardyń aitýynsha, qazir bul pilottyq joba retinde qarastyrylýda. Onda arhitektýralyq sipaty birkelki úiler, iaǵni ekiqabatty taýnhaýstar salynady. Al Shymkent Siti qalashyǵynda 31 kópqabatty nysan boi kóterýde. Munda injenerlik infraqurylym jumystary tolyǵymen júrgizilgen.
