جىل سوڭىنا دەيٸن شىمكەنت قالاسىنداعى 982 وتباسى قونىس تويىن اتاپ ٶتەدٸ. پەتەر كەزەگٸن كٷتكەندەر ٷشٸن تٶلەمەتوۆ كٶشەسٸندەگٸ كٶپ قاباتتى ٷي سالىنىپ بٸتتٸ, دەپ حابارلايدى ۇلت.كز تٸلشٸسٸ.
جۋىردا سول قۇرىلىسقا تاپسىرىس بەرۋشٸ قالا ەكٸمدٸگٸنٸڭ جاۋاپتى ماماندارى سالىنىپ جاتقان ٷيلەردٸڭ ساپاسىن كٶپشٸلٸككە كٶرسەتٸپ, پەتەرلەر كٸمدەرگە بەرٸلەتٸنٸن تٷسٸندٸردٸ. نۇرسەت شاعىناۋدانىندا ورنالاسقان 9-قاباتتى تۇرعىن ٷيدٸڭ قۇرىلىسى تولىق اياقتالىپ, ٶز يەلەرٸن كٷتٸپ تۇر.
الپىسقا جۋىق پەتەردٸڭ كٸلتٸ «تۇرعىن ٷي قۇىرلىس جيناق بانكٸسٸندە» سالىمى بار ازاماتتارعا بەرٸلەدٸ. جالپى جىل سوڭىنا دەيٸن وسى اۋماقتان 56 جەنە 74 پەتەرلٸ 27 كٶپقاباتتى ٷي قولدانىسقا بەرٸلمەك.
ال شاھاردا جىل باسىنان بەرٸ اۋماعى 302 مىڭ شارشى مەتر بولاتىن 76 ٷي سالىندى. وسىلايشا «تۇرعىن ٷي قۇرىلىس جيناق بانكٸ» ٶز سالىمشىلارىنا كٶرسەتٸلەتٸن قىزمەت اۋقىمىن كەڭەيتٸپ, ەل يگٸلٸگٸنە بەرٸلەتٸن پەتەر سانىن كٶبەيتپەك.
بۇدان بٶلەك 2018 جىلى «نۇرلى جەر» باعدارلاماسى اياسىندا وبلىس ورتالىعىندا 2478 پەتەرلٸ ٷي سالۋ جوسپارى بار. بانك سالىمشىلارى ٷشٸن پەتەردٸڭ ەر شارشى مەترٸ 140 مىڭ تەڭگەنٸ قۇراماق. ول ىڭعايلىلىعى جاعىنان ٷشٸنشٸ كلاسقا جاتقىزىلعان.
ستاستيستيكا بويىنشا بٷگٸنگٸ تاڭدا ٷي سالىپ, ونى ٶتكٸزۋ 6 ەسەگە ٶسسە, 2018 جىلى بۇل كٶرسەتكٸش 10 ەسە جوعارى بولادى دەگەن بولجام بار. بۇل ەكٸنشٸ كلاستى جايلىلىقتى قوسپاعانداعى كٶرسەتكٸش. ول «ٶز ٷيٸم» اتتى باعدارلاما بويىنشا پەتەردٸڭ ەر شارشى مەترٸنٸڭ قۇنى 180 مىڭ تەنگەنٸ قۇرايدى. ال جەكە ٷي سالۋشىلارىنىڭ ەسەبٸنەن ٸسكە اساتىن باعدارلاما بويىنشا سالىناتىن پەتەرلەردٸڭ ەر شارشى مەترٸنٸڭ قۇنى 220 مىڭ تەڭگەگە جەتەدٸ.
قالاي دەسەك تە, باعا مەن جايلىلىقتى تاڭداۋ - سالىمشىلاردىڭ ٶز ەركٸندە. كەلەر جىلى شىمكەنتتە «نۇرلى جەر» باعدارلاماسىمەن «بوزارىق», «بوزارىق 2» دەگەن اتاۋمەن جاڭا ەكٸ مٶلتەكاۋدان بوي كٶتەرۋٸ مٷمكٸن. مامانداردىڭ ايتۋىنشا, قازٸر بۇل پيلوتتىق جوبا رەتٸندە قاراستىرىلۋدا. وندا ارحيتەكتۋرالىق سيپاتى بٸركەلكٸ ٷيلەر, ياعني ەكٸقاباتتى تاۋنحاۋستار سالىنادى. ال شىمكەنت سيتي قالاشىعىندا 31 كٶپقاباتتى نىسان بوي كٶتەرۋدە. مۇندا ينجەنەرلٸك ينفراقۇرىلىم جۇمىستارى تولىعىمەن جٷرگٸزٸلگەن.
