Biyl ziiankes shegirtkemen kúres sharalaryna respýblikalyq jáne jergilikti biýdjetterden 2,5 mlrd teńge jumsalady, dep habarlaidy QazAqparat.
Bul týraly QR Aýyl sharýashylyǵy ministrligi Agroónerkásiptik keshendegi memlekettik inspektsiia komitetiniń tóraǵasy Almabek Mars ortalyq kommýnikatsiialar qyzmetinde ótken brifingide aitty.
«Respbýlika aýmaǵynda erekshe qaýipti organizmniń 12 túri, ziiandy organizmniń 5 túri, karantindik obektilerdiń 14 túri taralǵan. Shegirtkelermen kúresýge erekshe kóńil bólinedi. Biyl úiirli shegirtke 997 myń gektar aimaqqa taralǵan. Onyń ishinde italiialyq prýs – 760 myń, aziialyq shegirtke 201 myń jáne marokko shegirtkesi - 35 myń gektarǵa taralǵan. Sonymen qatar saiaq shegirtke ziiankesteri 271 myń gektar alańda baiqalǵan. Jalpy shegirtkelerge qarsy respýblika biýdjetinen 1,9 mlrd teńge, jergilikti biýdjetten 659 mln teńge bólindi», - dedi ol.
Aitýynsha atalǵan qarajat pestitsidter men himiialyq óńdeý qyzmetterin qajetti mólsherde satyp alýǵa múmkindik bergen.
«Úiirli shegirtkelerge qarsy óńdeý jumystaryn tiimdi júrgizý úshin ár túrli toptaǵy pestitsidter satyp alyndy. Oblys ákimdikterimen birlesip, aimaq ákimderiniń orynbasaralary basqaratyn jedel shtabtar quryldy», - dedi inspektsiia basshysy.
