Qazaqstanda Marokkalyq shegirtkeniń alǵashqy taralý oshaqtary anyqtaldy, dep habarlaidy "Ult aqparat" QR AShM baspasóz qyzmetine silteme jasap.
Buǵan deiin aitylǵandai, 2020 jyly respýblikada úiirli jáne saia shegirtke ziiankesteri 824 myń gektarǵa taralýy kútilýde.
Osy boljamdarǵa sáikes, QR Aýyl sharýashylyǵy ministrligi ótken jyldan bastap aýyl sharýashylyǵy daqyldarynyń ziiankesterimen kúres jónindegi is-sharalarǵa aýqymdy daiyndyq júrgizdi. Atap aitqanda, respýblikalyq jáne jergilikti biýdjetterden 1,5 milliard teńge bólindi, olarǵa pestitsidterdiń ár túrli toptarynyń preparattary, sondai-aq boljanatyn barlyq alańǵa himiialyq óńdeý jumystary boiynsha qyzmetter satyp alyndy.
AShM mamandary shegirtke ziiankesteriniń oshaqtaryn GPS navigatorlar men trekerlerdiń kómegimen izdeý barysynda respýblika boiynsha shamamen 40 mln ga jer kólemin zertteý josparlanǵanyn atap ótti.
Alǵashqy qorǵaý is-sharalary respýblikanyń ońtústik aimaqtarynda 10 sáýirden bastaldy. Túrkistan jáne Jambyl oblystarynda Marokko shegirtkesi 143 myń ga alańda anyqtaldy. Qazirgi ýaqytta ziiankester qonystanǵan alańnyń 67% - dan astamy óńdeldi.
Basqa aimaqtarda shegirtke ziiankesteriniń taralý oshaqtarynyń anyqtalýyna bailanysty himiialyq óńdeý jumystary bastalady. Kórshiles memlekettermen shekaralas aýmaqtarda birlesken zertteýler júrgiziledi. Bul týraly QR AShM mamandary RF, Qytai jáne Ózbekstannan kelgen áriptesterimen aldyn ala kelisimge keldi.
