Qazaqstan men Reseidiń Aýyl sharýashylyǵy ministrlikteri shekaraǵa jaqyn aýmaqtarynda ziiankes shegirtkege qarsy kúres boiynsha keńes ótkizdi, dep habarlaidy "Ult aqparat".
Eki el ministrligi mamandarynyń jyl saiynǵy keńesi biyl videokonferentsiia rejiminde ótti. Taraptar aýyl sharýashylyǵy ziiankesterimen jáne aýrýlarymen kúres jóninde josparlanǵan is-sharalar týraly aqparat almasty.
Sondai-aq, osy baǵyttaǵy yntymaqtastyq máselelerin talqylady.
QR Aýyl sharýashylyǵy ministrligi Agroónerkásip kesheni memlekettik inspektsiiasy komitetiniń tóraǵasy Almabek Mars reseilik áriptesterine 2020 jyly Qazaqstanda shegirtke ýlaý jumysy 515 myń gektarǵa júrgizilgenin, al biyl ziiankester 640 myń gektar jerge taralýy múmkin dep habarlady.
Shegirtkemen kúresýge respýblikalyq biýdjetten 2 mlrd teńge bólindi.
Bul qarjy barlyq boljanyp otyrǵan aýmaqtar úshin pestitsidter men himiialyq óńdeý qyzmetterin satyp alýǵa jetkilikti.
Qazirgi ýaqytta Agroónerkásip kesheni memlekettik inspektsiiasy komiteti ziiankesterdiń taralý oshaqtaryn anyqtaý jáne himiialyq óńdeý júrgizý jumystaryn ýaqtyly bastaý úshin daiyndyq is-sharalaryn aiaqtaýda.
Aita ketý kerek, biyl Resei Federatsiiasy 590 myń gektarǵa jýyq aýmaqqa ziiankes shegirtkeden qorǵaný jumystaryn júrgizedi dep boljanyp otyr.
Onlain-keńestiń qorytyndysy boiynsha 2021 jylǵa arnalǵan Resei Federatsiiasy men Qazaqstan Respýblikasynyń shekara mańy aýmaqtarynda ziiankes shegirtkeniń taralýyna jol bermeý jónindegi birlesken is-sharalar josparyna qol qoiyldy.
