Biyl 500 myń tonna polipropilen óndiretin zaýytty iske qosylady. Bul týraly Úkimet otyrysynda QR Energetika ministri Bolat Aqsholaqov aitty, dep habarlaidy QazAqparat.
«Iri munai-gaz ken oryndarynda jobalaý jumystaryn júrgizýge yntalandyrý. Atalǵan is-shara munai-gaz jáne ken oryndaryndaǵy geologiialyq barlaý jumystarynyń sanyn arttyrýǵa jergilikti qamtýdy damytýǵa baǵyttalǵan. Onyń aiasynda 2025 jylǵa deiin shamamen 2 500 ýaqytsha jumys ornyn qurý josparlanýda. Munai-gaz himiiasy klasterin qurý. Qurylysy Atyraý jáne Batys Qazaqstan oblystarynda júzege asyrylatyn 7 jobany iske asyrýdy kózdeidi. Atap aitqanda, osy jyly qýattylyǵy jylyna 500 myń tonna polipropilen óndiretin zaýytty iske qosý josparlanǵan», - dedi ministr.
Onyń atap ótýinshe, ótken jyly Qashaǵanda qýattylyǵy 1 mlrd tekshe metr bolatyn gaz óńdeý zaýytynyń qurylysy bastaldy. Qurylystyń aiaqtalý merzimi 2024 jylǵa josparlanǵan.
Sondai-aq qýaty jylyna shamamen 1 mln tonna polietilentereftalat, qýaty jylyna 1,25 mln tonna polietilen jáne qýaty jylyna 186 myń tonna býtadien óndirý jónindegi iri jobalardy iske asyrýǵa nazar aýdarylatyn bolady. Óz kezeginde, osy jobalardy iske asyrý 2022-2025 jyldar kezeńinde 2,5 myń turaqty jáne 12 myń ýaqytsha jumys oryndaryn qurýdy kózdeidi», - dedi Bolat Aqsholaqov.
