Biyl mal sharýashylyǵynyń jalpy ónim kólemi 2,6 trln teńgege deiin artady. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy QazAqparat.
«Biyl mal sharýashylyǵyn damytýǵa jaǵdai jasaý úshin qosymsha sharalar qabyldanatyn bolady. Máselen, 88 myń tonna qus etin óndiretin 8 qus fabrikasy iske qosylady. Bul import úlesin 44 paiyzdan 39 paiyzǵa deiin qysqartýǵa múmkindik beredi. 114 myń tonna shiki sút óndiretin 25 ónerkásiptik jáne 30 otbasylyq taýarlyq sút fermasyn salý jumysy bastaldy», - dedi ministr Ortalyq komýnikatsiialar qyzmetindegi onlain kezdesýde.
Onyń dereginshe, et óńdeý sektorynda jalpy qýattylyǵy 45 myń tonna bolatyn 3 zamanaýi et óńdeý kombinaty iske qosylady. Buǵan mal basyn orta eseppen 5 paiyzǵa ósirý arqasynda qol jetkiziledi. Iri qara men usaq mal satyp alýǵa shaǵyn fermerlik qojalyqtar qurýmen damytýdy qarjylandyrýdy bastalyp ketti. Iaǵni et klasteriniń shikizat bazasyn damytýdyń irgetasy qalandy.
«Sýbsidiialaý jáne kredit berý tetikterin jetildirý esebinen sút óńdeitin kásiporyndar men et óńdeitin kásiporyndardyń júktemesi ulǵaitylady. Joǵaryda kórsetilgen sharalar esebinen mal sharýashylyǵynyń jalpy ónim kólemin 2,6 trln teńgege deiin ósirý qamtamasyz etiletin bolady», - dedi Saparhan Omarov.
