بيىل مال شارۋاشىلىعىنىڭ جالپى ٶنٸم كٶلەمٸ 2,6 ترلن تەڭگەگە دەيٸن ارتادى. بۇل تۋرالى قر اۋىل شارۋاشىلىعى مينيسترٸ ساپارحان وماروۆ ەسەپ بەرۋ كەزدەسۋٸندە ايتتى, دەپ حابارلايدى قازاقپارات.
«بيىل مال شارۋاشىلىعىن دامىتۋعا جاعداي جاساۋ ٷشٸن قوسىمشا شارالار قابىلداناتىن بولادى. مەسەلەن, 88 مىڭ توننا قۇس ەتٸن ٶندٸرەتٸن 8 قۇس فابريكاسى ٸسكە قوسىلادى. بۇل يمپورت ٷلەسٸن 44 پايىزدان 39 پايىزعا دەيٸن قىسقارتۋعا مٷمكٸندٸك بەرەدٸ. 114 مىڭ توننا شيكٸ سٷت ٶندٸرەتٸن 25 ٶنەركەسٸپتٸك جەنە 30 وتباسىلىق تاۋارلىق سٷت فەرماسىن سالۋ جۇمىسى باستالدى», - دەدٸ مينيستر ورتالىق كومۋنيكاتسييالار قىزمەتٸندەگٸ ونلاين كەزدەسۋدە.
ونىڭ دەرەگٸنشە, ەت ٶڭدەۋ سەكتورىندا جالپى قۋاتتىلىعى 45 مىڭ توننا بولاتىن 3 زاماناۋي ەت ٶڭدەۋ كومبيناتى ٸسكە قوسىلادى. بۇعان مال باسىن ورتا ەسەپپەن 5 پايىزعا ٶسٸرۋ ارقاسىندا قول جەتكٸزٸلەدٸ. ٸرٸ قارا مەن ۇساق مال ساتىپ الۋعا شاعىن فەرمەرلٸك قوجالىقتار قۇرۋمەن دامىتۋدى قارجىلاندىرۋدى باستالىپ كەتتٸ. ياعني ەت كلاستەرٸنٸڭ شيكٸزات بازاسىن دامىتۋدىڭ ٸرگەتاسى قالاندى.
«سۋبسيدييالاۋ جەنە كرەديت بەرۋ تەتٸكتەرٸن جەتٸلدٸرۋ ەسەبٸنەن سٷت ٶڭدەيتٸن كەسٸپورىندار مەن ەت ٶڭدەيتٸن كەسٸپورىنداردىڭ جٷكتەمەسٸ ۇلعايتىلادى. جوعارىدا كٶرسەتٸلگەن شارالار ەسەبٸنەن مال شارۋاشىلىعىنىڭ جالپى ٶنٸم كٶلەمٸن 2,6 ترلن تەڭگەگە دەيٸن ٶسٸرۋ قامتاماسىز ەتٸلەتٸن بولادى», - دەدٸ ساپارحان وماروۆ.
