"Qazgidromet" mamandary 2024-2025 jylǵy qys mezgiline arnalǵan maýsymdyq aýa raiy boljamyn jariialap, el aýmaǵynda qandai aýa raiy bolatynyn málimdedi, - dep habarlaidy ULT.KZ Tengrinews.kz tilshisi.
foto Tengrinews.kz
Jeltoqsan
Jeltoqsanda eldiń basym bóliginde tsiklondardyń belsendiligi artady. Bul qubylys qar jaýýymen, borandarmen jáne ekpindi jelmen qatar júredi. Qazaqstannyń ońtústik óńirlerinde jańbyr men qar jaýyp, taýly aimaqtarda qar qalyń túsýi múmkin. Batys pen ońtústikte kóktaiǵaq pen tuman jii bolady.
Sinoptikterdiń málimetinshe, soltústik-batys jáne soltústikten keletin antitsiklondar aýa temperatýrasyn aitarlyqtai tómendetýi yqtimal.
Qańtar men aqpan
Qańtarda Qazaqstannyń kóp bóliginde aýa temperatýrasy klimattyq normaǵa sáikes bolady dep boljanyp otyr. Aqpanda aýa temperatýrasy normadan 1°S-qa joǵary bolýy yqtimal.
Qysqy kezeńniń jalpy sipattamasy
2024-2025 jylǵy qys mezgilinde el aýmaǵynda temperatýralyq rejim klimattyq norma sheginde bolady. Degenmen, jaýyn-shashyn mólsheri kópjyldyq normadan artyq túsýi múmkin. Sinoptikter kei kezeńderde jaýyn-shashynnyń toqtap, aýa temperatýrasynyń anomaldy tómendeýi múmkin ekenin de eskertti.
"Qazgidromet" mamandary el turǵyndaryn qys mezgilinde aýa raiy ózgeristerin baqylap, qaýipsizdik sharalaryn saqtaýǵa shaqyrady.
