"قازگيدرومەت" ماماندارى 2024-2025 جىلعى قىس مەزگٸلٸنە ارنالعان ماۋسىمدىق اۋا رايى بولجامىن جارييالاپ, ەل اۋماعىندا قانداي اۋا رايى بولاتىنىن مەلٸمدەدٸ, - دەپ حابارلايدى ULT.KZ Tengrinews.kz تٸلشٸسٸ.
فوتو Tengrinews.kz
جەلتوقسان
جەلتوقساندا ەلدٸڭ باسىم بٶلٸگٸندە تسيكلونداردىڭ بەلسەندٸلٸگٸ ارتادى. بۇل قۇبىلىس قار جاۋۋىمەن, بوراندارمەن جەنە ەكپٸندٸ جەلمەن قاتار جٷرەدٸ. قازاقستاننىڭ وڭتٷستٸك ٶڭٸرلەرٸندە جاڭبىر مەن قار جاۋىپ, تاۋلى ايماقتاردا قار قالىڭ تٷسۋٸ مٷمكٸن. باتىس پەن وڭتٷستٸكتە كٶكتايعاق پەن تۇمان جيٸ بولادى.
سينوپتيكتەردٸڭ مەلٸمەتٸنشە, سولتٷستٸك-باتىس جەنە سولتٷستٸكتەن كەلەتٸن انتيتسيكلوندار اۋا تەمپەراتۋراسىن ايتارلىقتاي تٶمەندەتۋٸ ىقتيمال.
قاڭتار مەن اقپان
قاڭتاردا قازاقستاننىڭ كٶپ بٶلٸگٸندە اۋا تەمپەراتۋراسى كليماتتىق نورماعا سەيكەس بولادى دەپ بولجانىپ وتىر. اقپاندا اۋا تەمپەراتۋراسى نورمادان 1°س-قا جوعارى بولۋى ىقتيمال.
قىسقى كەزەڭنٸڭ جالپى سيپاتتاماسى
2024-2025 جىلعى قىس مەزگٸلٸندە ەل اۋماعىندا تەمپەراتۋرالىق رەجيم كليماتتىق نورما شەگٸندە بولادى. دەگەنمەن, جاۋىن-شاشىن مٶلشەرٸ كٶپجىلدىق نورمادان ارتىق تٷسۋٸ مٷمكٸن. سينوپتيكتەر كەي كەزەڭدەردە جاۋىن-شاشىننىڭ توقتاپ, اۋا تەمپەراتۋراسىنىڭ انومالدى تٶمەندەۋٸ مٷمكٸن ەكەنٸن دە ەسكەرتتٸ.
"قازگيدرومەت" ماماندارى ەل تۇرعىندارىن قىس مەزگٸلٸندە اۋا رايى ٶزگەرٸستەرٸن باقىلاپ, قاۋٸپسٸزدٸك شارالارىن ساقتاۋعا شاقىرادى.
