2020 jyly anyqtamalardyń 25 túri qujat ainalymynan shyǵarylady. Bul týraly QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev málim etti, dep habarlaidy QazAqparat.
«Biyl memlekettik qyzmetterdi avtomattandyrýdy 90 paiyzǵa deiin jetkizý maqsaty qoiyldy. Bul sharalardy barlyq memlekettik organdarmen pysyqtaýdamyz, jalpy, tiisti jumystar jospar boiynsha atqarylýda. Biz memqyzmetterdi avtomattandyrýmen qatar, olardyń keibirin, iaǵni mekenjai anyqtamasyn alyp tastap jatyrmyz. Óitkeni bul anyqtamany bir memorgannan basqasyna suratady», - dedi ministr onlain rejimde halyqqa esep berý barysynda.
Onyń sózine qaraǵanda, bul jumystar men aqparattyq júielerdiń integratsiiasy arqasynda osy tektes 5 anyqtama qujat ainalymynan shyǵaryldy.
«Biyl anyqtamalardyń taǵy 25 túrin ainalymnan shyǵaryp, memqyzmet alýda turǵyndarǵa qolaily jaǵdai jasamaqpyz. «Halyqqa jaqyn bolý» ustanymy turǵysynda elektrondy úkimettiń mobildik tuǵyrnamasy bar. Osy arqyly halyqqa qyzmet usyný múmkindigi eskerilgen, búginde 60 qyzmet osy tuǵyrnamada shoǵyrlandy. Sonymen qatar, telegram-bottardy belsendi ilgeriletýdemiz», - dedi ministr.
