2020 جىلى انىقتامالاردىڭ 25 تٷرٸ قۇجات اينالىمىنان شىعارىلادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ مەلٸم ەتتٸ, دەپ حابارلايدى قازاقپارات.
«بيىل مەملەكەتتٸك قىزمەتتەردٸ اۆتوماتتاندىرۋدى 90 پايىزعا دەيٸن جەتكٸزۋ ماقساتى قويىلدى. بۇل شارالاردى بارلىق مەملەكەتتٸك ورگاندارمەن پىسىقتاۋدامىز, جالپى, تيٸستٸ جۇمىستار جوسپار بويىنشا اتقارىلۋدا. بٸز مەمقىزمەتتەردٸ اۆتوماتتاندىرۋمەن قاتار, ولاردىڭ كەيبٸرٸن, ياعني مەكەنجاي انىقتاماسىن الىپ تاستاپ جاتىرمىز. ٶيتكەنٸ بۇل انىقتامانى بٸر مەمورگاننان باسقاسىنا سۇراتادى», - دەدٸ مينيستر ونلاين رەجيمدە حالىققا ەسەپ بەرۋ بارىسىندا.
ونىڭ سٶزٸنە قاراعاندا, بۇل جۇمىستار مەن اقپاراتتىق جٷيەلەردٸڭ ينتەگراتسيياسى ارقاسىندا وسى تەكتەس 5 انىقتاما قۇجات اينالىمىنان شىعارىلدى.
«بيىل انىقتامالاردىڭ تاعى 25 تٷرٸن اينالىمنان شىعارىپ, مەمقىزمەت الۋدا تۇرعىندارعا قولايلى جاعداي جاساماقپىز. «حالىققا جاقىن بولۋ» ۇستانىمى تۇرعىسىندا ەلەكتروندى ٷكٸمەتتٸڭ موبيلدٸك تۇعىرناماسى بار. وسى ارقىلى حالىققا قىزمەت ۇسىنۋ مٷمكٸندٸگٸ ەسكەرٸلگەن, بٷگٸندە 60 قىزمەت وسى تۇعىرنامادا شوعىرلاندى. سونىمەن قاتار, تەلەگرام-بوتتاردى بەلسەندٸ ٸلگەرٸلەتۋدەمٸز», - دەدٸ مينيستر.
