Qyrǵyzstanda Parlament sailaýy kúzde bolady. Bul jaiynda Qyrǵyzstan Prezidenti Sadyr Japarov QazAqparatqa bergen suhbatynda málim etti.
«Jaqynda jergilikti sailaý ótedi. Referendým ótkizý belgilendi, ony biz de ádil ótkizemiz. Kúzde parlament sailaýy ótedi», - dedi ol.
Qazirgi depýtattyq korpýstyń ókilettik merzimi ótken jyldyń qazan aiynda aiaqtaldy.
Alaida, parlamenttik sailaýdan keiin bastalǵan narazylyqtar olardyń nátijeleriniń joiylýyna, sondai-aq prezident Sooronbai Jeenbekov pen Úkimettiń otstavkaǵa ketýine ákeldi.
Nátijesinde aldyńǵy shaqyrylymdaǵy depýtattar ózderiniń qyzmettik mindetterin atqarýdy jalǵastyrǵan bolatyn.
Ótken jyldyń sońynda olar «2021 jyldyń 1 maýsymynan keshiktirmei» jańa parlament sailaýyn ótkizýdi kózdeitin zań qabyldady.
