Biyl quny 1,1 trln teńge bolatyn 160 joba iske asyrylady. QR Indýstriia jáne infraqurylymdyq damý vitse-ministri Avtomobil Amaniiaz Erjanov osylai aitty, dep habarlaidy QazAqparat.
«Indýstriialandyrý kartasy aiasynda osy jyldyń sońyna deiin jergilikti ákimdikterdiń aqparaty boiynsha 17 myńnan astam turaqty jumys oryndaryn qurý arqyly 1,1 trln teńgege 160 jobany júzege asyrý josparlanǵan», - dedi vitse-ministr.
Onyń dereginshe, 2020 jyldyń birinshi jartyjyldyǵynyń qorytyndysy boiynsha shamamen 900 jumys orny qurylyp, jalpy quny 23,7 mlr teńgege 4 joba iske qosyldy.
«Sonymen qatar, koronavirýs indeti kezinde jeke qorǵanys quraldaryna (JQQ) degen úlken suranystyń artýyna bailanysty osy baǵyttaǵy 4 jańa joba iske qosyldy. Olar - JKQ óndiretin «Bizhon» JShS jáne zararsyzdandyrý quraldaryn shyǵaratyn 3 jańa kásiporyn - «Topan» JShS, «SARI SUPPLIERS» (Sari sýplaiers) JShS, «NeoHimTeh» JK«, - dedi Amaniiaz Erjanov.
