Foto: OKQ
Biyl Jambyl atyndaǵy Qazaq memlekettik akademiialyq filarmoniiasynyń 90 jyldyǵy men «Saltanat» memlekettik bi ansambliniń 70 jyldyq mereitoiy. Osy mańyzdy oqiǵalarǵa arnalǵan aýqymdy merekelik baǵdarlama ázirlendi, bul týraly Qazaqstan Respýblikasy Prezidenti janyndaǵy Ortalyq kommýnikatsiialar qyzmetinde ótken baspasóz konferentsiiasynda aityldy dep habarlaidy Ult.kz.
QR Memlekettik «Saltanat» bi ansambliniń direktory E. Kenjalievtyń sózinshe «Saltanat» memlekettik bi ansambli - qazaqtyń tól óneri men ulttyq mádenietin saqtap, halyqtyń rýhani bailyǵyn, «Altyn qordy» damytyp, óskeleń urpaqqa ǵajaiyp óner arqyly rýh pen tárbie berip, jastardyń boiyna ulttyq patriottyq sana sezimin qalyptastyrý jolynda aianbai óner kórsetip keledi.
Foto: OKQ
"Qazaqtyń horeografiia mádenietiniń bai murasyn jáne álemdik horeografiianyń alýan túrliligin tolyq nasihattai alatyn jetpis jylǵa jýyq tarihy bar eń úzdik biregei kásibi bi ujymy sanalady dep maqtanyshpen aita alamyn. Ujymnyń eń basty ereksheligi — qazaq halqynyń bi ónerin saqtai otyryp, ony qazirgi zamandaǵy deńgeide oryndap, álemge nasihattap júr. Olar túrli stilder men janrlardaǵy bi elementterin utymdy ushtastyryra bildi. 70 jyldyq tarihynda «Saltanat» kóptegen talantty bishiler men horeograftardy tárbielep shyǵardy. Olar qazir Qazaqstannyń mádenietine jáne álemdik bi ónerine eleýli úles qosyp keledi. Ansambldiń biik deńgeide óner kórsetýi men qazaq biiniń aishyqty murasyn álemge tanytýdaǵy róli ushan-teńiz. Qazaqstannyń mádenietiniń damýyna zor úlesin qosyp júrgen «Saltanat» ansambli halyqtyń óshpes murasyn, ónerin urpaqtan urpaqqa jetkizý maqsatynda qazaqtyń biin nasihattaýdy aldyńǵy orynǵa qoidy", -deidi ansambl direktory.
Ansambldiń 70 jyldyǵyna orai josparlanǵan is-sharalar: Qazaqstan óńirlerinde ótetin «Bi kerýeni» gastroldik týry, Jas horeograftarǵa arnalǵan sheberlik sabaqtary, «Bi – ónerdiń ordasy» atty derekti filmniń teletúsirilimderi, Ansambl tarihyna arnalǵan fotokórmeler. Mereitoidyń sharyqtaý shegi – qarasha aiynda ótetin saltanatty Gala-kontsert bolmaq. Bul keshte kórermen ansambldiń úzdik qoiylymdaryn tamashalai alady.
Jambyl atyndaǵy Qazaq memlekettik akademiialyq filarmoniiasynyń direktory Aqan Ábdýaliev 90-jyldyq mereitoi – kez-kelgen óner uiymy úshin úlken jetistik jáne onyń tarihyndaǵy mańyzdy kezeń dep esepteidi. Onyń aitýynsha qazaq mádenietiniń qara shańyraǵy, filarmoniianyń 90-jyldyq tarihy – qazaq mýzykasynyń damýy men mádenietimizdiń órkendeýine qosqan zor úlesin kórsetedi. Mereitoi sheńberinde ótetin kontsertter, shyǵarmashylyq keshter men túrli is-sharalar mádeniet salasyndaǵy mańyzy zor oqiǵalarǵa ainalady.
2025 jyldyń I toqsanyna josparlanǵan kontsertter sany – 51, kórermender sany – 13 583, oryndalǵany: kontsertter sany – 58, kórermender sany – 16 591, onyń ishinde Almaty qalasy boiynsha ótken kontsertter – 11.
Foto: OKQ
"2025 jyly filarmoniiada ótetin kontsertterdiń barlyǵy Qazaqstannyń mádeni ómirinde erekshe oryn alady. Bul kontsertter tek elimizdiń kórnekti tulǵalarynyń mereitoilarymen ǵana emes, Uly Otan soǵysynyń 80 jyldyǵyna arnalǵan eske alý sharalarymen de baiytylyp, urpaqtarǵa tarihty tereńirek túsinýge múmkindik beredi. Filarmoniia árqashan joǵary deńgeide ótkizetin kontsertteri, sonymen qatar balalarǵa arnalǵan abonementtik kontsertteri, festivalderi men is-sharalary arqyly óner men mádeniettiń damýyna úlken úles qosyp keledi", -deidi A. Ábdýaliev.
Mereitoi aiasynda uiymdastyrylatyn negizgi is-sharalardy atap ótsek: 90-shy kontsert maýsymynyń ashylýy, «HH-25» Halyqaralyq simfoniialyq mýzyka festivali, «Qazaqstandaǵy kontserttik uiymdardyń damýy men bolashaǵy» atty ǵylymi-praktikalyq konferentsiia, Filarmoniia ónerpazdarynyń qatysýymen Respýblika saraiynda ótetin Gala-kontsert ótpek. Sonymen qatar, filarmoniia tarihy týraly mereitoilyq kitap shyǵarylyp, shyǵarmashylyq ujymnyń daýysy jazylǵan vinil plastinkalar shyǵarylady. 2025 jyly filarmoniia 195 kontsert ótkizýdi josparlap otyr.
