2016 jyldyń 11 aiynda Qazaqstanda 71 sportshynyń synamasynan doping tabylǵan. Bul týraly Almatyda ótip jatqan "Sporttyq meditsinadaǵy ózekti máseleler" dep atalatyn konferentsiiada Qazaqstannyń antidoping ulttyq ortalyǵynyń direktory Maira Baqasheva málimdedi.
Ortalyq direktorynyń aitýynsha, doping synamasy oń nátije bergen sportshylardyń basym bóligi belgili bir ýaqytqa sporttan shettelgen. Biyl dopingpen ustalǵan 71 sportshynyń 34-inen meldonii preparaty tabylǵan. Meldonii 2016 jyldyń 1 qańtarynan ruqsat etilmegen preparattar tizimine engizilgen.
Biyl Halyqaralyq olimpiada komiteti Rio olimpiadasy aldynda Pekin men London olimpiadasynda alynǵan doping synamalaryn jańa tehnologiiamen qaita tekserýdi bastaǵan. Qaita tekserý kezinde Londonda altyn alǵan qazaqstandyq aýyr atletter Svetlana Podobedova, Maia Maneza, Zúlfiia Chinshanlonyń doping synamalary oń nátije berip, olardyń nátijeleri joiylǵan. Al Halyqaralyq aýyr atletika federatsiiasy aýyr atlet Ilia Ilinniń Pekin men Londondaǵy synamalarynan doping tabylǵanyn habarlap, onyń eki medalin de qaitaryp aldy.
Pekin oiyndarynyń júldegeri Irina Nekrasova, Mariia Grabovetskaia (ekeýi de - aýyr atletika), Taimýraz Tigiev (erkin kúres) jáne Áset Mámbetov (grek-rim kúresi) te doping daýyna ilinip, olardyń nátijeleri de joiylǵan.
Rýslan Medelbek, "Azattyq"
