2016 جىلدىڭ 11 ايىندا قازاقستاندا 71 سپورتشىنىڭ سىناماسىنان دوپينگ تابىلعان. بۇل تۋرالى الماتىدا ٶتٸپ جاتقان "سپورتتىق مەديتسيناداعى ٶزەكتٸ مەسەلەلەر" دەپ اتالاتىن كونفەرەنتسييادا قازاقستاننىڭ انتيدوپينگ ۇلتتىق ورتالىعىنىڭ ديرەكتورى مايرا باقاشەۆا مەلٸمدەدٸ.
ورتالىق ديرەكتورىنىڭ ايتۋىنشا, دوپينگ سىناماسى وڭ نەتيجە بەرگەن سپورتشىلاردىڭ باسىم بٶلٸگٸ بەلگٸلٸ بٸر ۋاقىتقا سپورتتان شەتتەلگەن. بيىل دوپينگپەن ۇستالعان 71 سپورتشىنىڭ 34-ٸنەن مەلدونيي پرەپاراتى تابىلعان. مەلدونيي 2016 جىلدىڭ 1 قاڭتارىنان رۇقسات ەتٸلمەگەن پرەپاراتتار تٸزٸمٸنە ەنگٸزٸلگەن.
بيىل حالىقارالىق وليمپيادا كوميتەتٸ ريو وليمپياداسى الدىندا پەكين مەن لوندون وليمپياداسىندا الىنعان دوپينگ سىنامالارىن جاڭا تەحنولوگييامەن قايتا تەكسەرۋدٸ باستاعان. قايتا تەكسەرۋ كەزٸندە لوندوندا التىن العان قازاقستاندىق اۋىر اتلەتتەر سۆەتلانا پودوبەدوۆا, مايا مانەزا, زٷلفييا چينشانلونىڭ دوپينگ سىنامالارى وڭ نەتيجە بەرٸپ, ولاردىڭ نەتيجەلەرٸ جويىلعان. ال حالىقارالىق اۋىر اتلەتيكا فەدەراتسيياسى اۋىر اتلەت يليا يليننٸڭ پەكين مەن لوندونداعى سىنامالارىنان دوپينگ تابىلعانىن حابارلاپ, ونىڭ ەكٸ مەدالٸن دە قايتارىپ الدى.
پەكين ويىندارىنىڭ جٷلدەگەرٸ يرينا نەكراسوۆا, مارييا گرابوۆەتسكايا (ەكەۋٸ دە - اۋىر اتلەتيكا), تايمۋراز تيگيەۆ (ەركٸن كٷرەس) جەنە ەسەت مەمبەتوۆ (گرەك-ريم كٷرەسٸ) تە دوپينگ داۋىنا ٸلٸنٸپ, ولاردىڭ نەتيجەلەرٸ دە جويىلعان.
رۋسلان مەدەلبەك, "ازاتتىق"
