Biyl Qazaqstanǵa 20 mlrd AQSh dollary kóleminde investitsiia tartylmaq. Bul týraly QR Ulttyq ekonomika vitse-ministri Álisher Ábdiqadyrov aitty, dep habarlaidy QazAqparat.
«Sonymen qatar álemde investitsiialar tartý salasynda birneshe negizgi trend baiqaldy. Jańa ónerkásiptik revoliýtsiia jáne qundylyqtar tizbeginiń kúrdelenýi jaǵdaiynda IT jáne qyzmetter salasyndaǵy jobalar kóbirek investitsiialar tartady. Investor úshin iri naryqtardyń jaqyndyǵy, bilikti kadrlardyń bolýy, infraqurylym múmkindikteri jáne logistikanyń yńǵailylyǵy siiaqty faktorlar birinshi orynǵa shyǵady. Ákimshilik rásimder úshin, mysaly, «bir tereze» onlain-tetikteri arqyly tsifrlyq qyzmetterdiń bolýy áleýetti investorlar úshin belgi signal bolyp sanalady», - dedi Á. Ábdiqadyrov Ortalyq kommýnikatsiialar qyzmetinde.
Onyń aitýynsha, Qazaqstanda ótken jyly tikelei sheteldik investitsiialar kórsetkishi rekordtyq 30%-ǵa tómendep, 17 milliard AQSh dollaryn qurady.
«Al biyl oń dinamika baiqaldy. Máselen, osy jyldyń 6 aiynyń qorytyndysy boiynsha el ekonomikasyna 11,1 milliard AQSh dollary somasynda tikelei sheteldik investitsiialar tartyldy, bul ótken jyldyń uqsas kezeńinen 30,4%-ǵa artyq (2020 jyldyń 6 aiy – 8,5 milliard AQSh dollary). Biyldyń qorytyndysy boiynsha 20 mlrd AQSh dollary kóleminde investitsiia tartý josparlanǵan. Al 2023 jylǵa qarai investitsiialar pandemiiaǵa deiingi deńgeiine (24,4 millard AQSh dollary) jetedi dep kútilýde», - dedi vitse-ministr.
