Jyl sońyna deiin Qazaqstanda 190-ǵa jýyq qurylys normalary men erejeleri joiylady. Búgin Úkimette ótken baspasóz máslihatynda QR Investitsiialar jáne damý birinshi vitse-ministri Alik Aidarbaev osylai málim etti, dep habarlaidy QazAqparat.
«Eýrokodtar úshin jańa normativtik baza engizildi, iaǵni bul 49- qadamǵa (Ult jospary) qatysty. 2019 jyldyń sońyna deiin osy júiege tolyqtai kóshý ise asyrylady. Sondai-aq jyldyń aiaǵyna deiin qurylys máseleleri boiynsha tiisti qurylys normalary men erejeleri joiylady, bul rette onyń 189-y eskerilip otyr. Onyń ornyna qazirgi zamanǵy talaptarǵa sai jańa normalar men erejeler engiziledi», - dedi Aidarbaev.
Esterińizge sala keteiik, 49-qadamda keńestik kezeńnen beri qoldanylyp kele jatqan qurylystyń eskirgen normalary men erejeleriniń ornyna eýrokodtar júiesin engizý eskerilgen. Jańa normativterdi qabyldaý innovatsiialyq tehnologiialar men materialdardy qoldanýǵa, qurylys qyzmeti naryǵyndaǵy qazaqstandyq mamandardyń básekege qabilettiligin arttyrýǵa, sonymen birge qurylys salasyndaǵy sheteldik qyzmet naryǵyna qazaqstandyq kompaniialardyń shyǵýyna múmkindik beredi.
