Búgin Premer-Ministr Baqytjan Saǵyntaevtyń tóraǵalyǵymen ótken QR Úkimeti otyrysynda «Nurly jol» infraqurylymdy damytýdyń memlekettik baǵdarlamasyn 2017 jyldyń I jartyjyldyǵynda iske asyrý barysy qaraldy, dep habarlaidy Ult.kz tilshisi.
QR investitsiialar jáne damý ministri Jeńis Qasymbek biyl Astana áýejaiynyń jańa jolaýshylar terminalynyń qurylysy aiaqtalyp, «Nurly jol» jańa temir jol vokzaly paidalanýǵa berilgenin aitty. Jańa vokzaldyń ótkizý qabileti táýligine 35 myń jolaýshyny, al qoldanystaǵy vokzalmen qosqanda jalpy kórsetkish táýligine 47 myń jolaýshyny quraidy. Bul kórsetkish astanalyq jolaýshylar aǵynynyń qajettiligin tolyqtai jabady.
Sondai-aq, biyl memlekettik baǵdarlama aiasynda jalpy uzyndyǵy 4,4 myń shaqyrym bolatyn 22 avtojol jobasyn iske asyrý kózdelgen. Ortalyq — Ońtústik, Ortalyq — Shyǵys, Beineý — Aqtaý, Aqtóbe — Atyraý, Qapshaǵai — Taldyqorǵan, Astana — Petropavl jáne Oral — Kamenka jobalarynda jalpy uzyndyǵy 1,2 myń shaqyrym qurylys jumystary jalǵastyrylýda. Iske asyrylyp jatqan jobalar boiynsha toǵyz aida 177,5 mlrd teńge igerilgen, 75 myń adam tartylǵan.
Jyl qorytyndysy boiynsha 602 shaqyrym jol tóseminde jumystardy aiaqtap, Astana — Pavlodar — 232 shaqyrym, Beineý — Aqtaý — 230 shaqyrym, Qordai a. ainalma joly — 40 shaqyrym, Oral — Kamenka — 50 shaqyrym, Aqtóbe — Atyraý — 26 shaqyrym jáne Qapshaǵai — Taldyqorǵan — 24 shaqyrym jolda qozǵalysty ashý josparlanyp otyr.
Jylýmen, sýmen jabdyqtaý jáne sý tartý jelileriniń júiesin 2017–2018 jyldary jańǵyrtý salasyna Ulttyq qor qarajattarynan 1222,7 shaqyrymǵa jýyq jelige rekonstrýktsiialaý jumystaryn jáne qurylys júrgizýge 53 mlrd teńge qarastyrylǵan. Jalpy, memlekettik baǵdarlamany iske asyrý jyldary 2155,8 shaqyrym jylýmen, sýmen jabdyqtaý jáne sý tartý jelisi, 21 qazandyq jáne 38 sorǵy stansasy salynyp, rekonstrýktsiialandy.
«Nurly jol» memlekettik baǵdarlamasyn iske asyrý aiasynda 119 jobany iske asyrýǵa 86,9 mlrd teńge bólindi. 1 qazandaǵy jaǵdai boiynsha tabiǵi monopoliialar sýbektileriniń igerýi 76,9 mlrd teńgeni nemese bólingen qarajattyń 89%-yn quraidy», — dedi J. Qasymbek.
«Nurly jol» memlekettik baǵdarlamasy aiasynda bilim berý salasyndaǵy jobalardy iske asyrý týraly QR bilim jáne ǵylym ministri Erlan Saǵadiev baiandady. Sondai-aq, Úkimet otyrysynda «Samuryq–Qazyna» UÁQ tóraǵasy Ó. Shókeev te sóz sóiledi.
Eske sala keteiik, búgin QR Úkimeti otyrysynda «Nurly jol» infraqurylymdy damytýdyń 2015–2019 jyldarǵa arnalǵan memlekettik baǵdarlamasyn iske asyrý máselesi qaraldy.
.jpeg)