Biyl 19 822 mektep bitirýshi «Altyn belgige» úmitker bolyp otyr. Bul týraly Bilim jáne ǵylym vitse-ministri Sholpan Karinova málim etti, dep habarlaidy "Ult aqparat".
«Biyl oblystyq bilim basqarmalarynyń aqparaty boiynsha 19 822 mektep bitirýshi «Altyn belgige» úmitker bolyp otyr. Ózderińizge belgili, ereje boiynsha «Altyn belgi» úmitkerleriniń barlyq jazbasha tapsyrmasyn oblystyq bilim basqarmalarynyń janynan qurylǵan tiisti komissiia qaita zerdelep, taldaityn bolady. Birinshiden, barsha materialdy mekteptiń ishindegi komissiia tekserip, tiisti baldy qoiǵannan keiin, barlyq jumys bilim basqarmalaryna jetkiziledi. Bilim basqarmalarynyń tekserýinen ótkennen keiin, «Altyn belgiler» tiisti buiryqqa engizilip, quqyqtary dáleldenetin bolady», - dedi Sh. Karinova ministrliktiń apparat jinalysynda.
Budan buryn habarlanǵandai, sońǵy qońyraý ádettegidei 25 mamyrda ótkiziledi. Biylǵy shekteý is-sharalary eskerilip, birneshe format usynylmaq. Birinshiden, dástúrli túrde ashyq taza aýada 9 jáne 11-synyp oqýshylary úshin, sondai-aq 300-ge deiin oqýshysy bar ári osy ýaqytqa deiin shtattyq rejimde oqytyp kele jatqan mektepter ótkizedi.
