Biyl Qazaqstan men Resei arasyndaǵy ózara taýar ainalym rekordty kórsetkishterge jetýi múmkin. Bul týraly Qazaqstan men Reseidiń XVII Óńiraralyq yntymaqtastyq forýmyna RF Prezidenti Vladimir Pýtin aitty, dep habarlaidy QazAqparat.
«Eki el arasyndaǵy ózara is-qimyl shynymen de qarqyndy, kóp josparly, ekijaqty tiimdi sipatqa ie. Biz bastapqydan qarym-qatynasty osylai qurǵan edik. Birinshi kezekte ol saýda-inaestitsiialyq salaǵa qatysty bolyp tur. Biylǵy jeti aida ekijaqty taýar ainalym 34 paiyzǵa artyp, bizdiń málimet boiynsha 14 mlrd AQSh dollaryn qurady», - dedi Vladimir Pýtin.
Onyń paiymynsha, biyl osy baǵytta eleýli kórsetkishter bolady dep kútilýde.
«Jyl qorytyndysy boiynsha ózara saýda 20 mlrd dollar rekordty kórsetkishke jetedi dep eskerilip otyr. Bul turǵyda óńiraralyq yntymaqtastyqtyń úlesi zor», - dedi RF Prezidenti.
