Ulttyq bank tóraǵasynyń orynbasary Aqyljan Baimaǵambetov «2021 jyldyń mamyr-maýsymyna» arnalǵan boljamdy raýnd boiynsha infliatsiianyń jedeldeýi, bazalyq stavkanyń bir deńgeide qalýy jáne tólem balansynyń jaqsarýy týraly málimet usyndy, dep habarlaidy QazAqparat.
Onyń aitýynsha, ekonomikanyń naqty sektoryndaǵy qalpyna keltirý protsesteri qarqyndy. 2021 jyldyń qańtar-aqpan ailaryndaǵy aitarlyqtai tómendeýden keiin, naýryz-sáýir ailarynda ekonomikanyń jaǵymdy qarqyny baiqaldy. 2021 jyldyń qańtar-sáýir ailarynda JIÓ-niń shynaiy ósimi jyldyq kórsetkishte 0,7% boldy.
Ekonomikanyń keibir salalarynda iskerlik bailanys jaqsarǵan soń, shynaiy jalaqynyń ósýine bailanysty, sondai-aq zeinetaqy men shákirtaqynyń biýdjeti artqannan keiin halyqtyń ál-aýqaty da jaqsaryp, ol óz kezeginde tutynýshylyq suranystyń qalpyna kelýine yqpal etti. 2021 jyldyń birinshi toqsan qorytyndysy boiynsha, halyqtyń shynaiy kirisi jyldyq kórsetkishte 3,4% artty.
«Al, turǵyn úi qurylysyndaǵy investitsiianyń qarqynyna toqtalsaq, bunda da joǵary ósim saqtalyp otyr. Onyń ústine, bul sala memlekettik ipotekalyq nesielendirý baǵdarlamalary men Memleket basshysynyń turǵyn úi jaǵdaiyn jaqsartý úshin azamattarǵa zeinetaqy jinaqtarynyń bir bóligin sheshýge ruqsat berý týraly bastamasymen qoldaý tapty»,- dedi spiker.
Ekonomikanyń tez qalpyna kelýin eskere otyryp, Ulttyq bank ekonomika ósimine qatysty boljamyn arttyrý turǵysynan qaita qarap shyqty.
«Ekonomika salalaryndaǵy iskerlik belsendilik barynsha tez qalpyna kelip, halyqtyń tabysy artady degen boljam bar. Bul óz kezeginde jiyntyq suranystyń keńeiýine yqpal etedi, ol ekonomika ósiminiń draiveri bolady. Sonymen qatar, JIÓ-niń qarqynyn ustap turýǵa importtyń qalpyna kelýi yqpal etedi. Eksport osy jyldyń ekinshi jartysynda qalpyna keledi dep kútilip otyr. Oǵan OPEK+ shekteýleriniń jeńildetilýine qarai munai óndirisi kólemin arttyrý, Qazaqstannyń eksporttyq taýarlaryna syrtqy suranystyń artýy aqpal etpek.
Budan ózge, biyl biýdjettiń shyǵyndary kóbeiýi jaǵyna qarai qaita qaralǵan bolatyn. Óz kezeginde, barynsha jaǵymdy shynaiy impýls ishki suranystyń qalpyna kelýine yqpal etedi, sol arqyly ekonomikanyń ósimine de, infliatsiialyq protsesterge de ósim sipatynda yqpal etedi», - dedi Ulttyq bank basshysynyń orynbasary.
«2021 jyldyń aqpan-naýryzy» boljamdyq raýndymen salystyrǵanda Ulttyq bank bazalyq stsenarii boiynsha munai baǵasyn qaita qarady.
Qazir Brent markaly munaidyń álemdik baǵasy barreline shamamen 70 AQSh dollaryna shaq bolyp tur. Bul, álem elderindegi jappai vaktsinatsiia men munai kólemin azaitý týraly OPEK+ kelisimi aiasyndaǵy áreketterden keii munaiǵa álemdik suranystyń qalpyna kelýimen bailanysty. Alaida, munai óndirý kólemi álem boiynsha aqyryn-aqyryn arta bastaǵan soń álemdegi munai baǵasy qazirgi kórsetkishten azaiady jáne Ulttyq bank bazalyq stsenarii retinde 2021-2022 jyldary Brent markaly munaidyń baǵasy barreline 60 AQSh dollaryn quraidy dep boljap otyr, buny halyqaralyq uiymdardyń boljamy da rastaidy.
Bazalyq stsenariige sáikes, 2021 jyly Qazaqstan ekonomikasynyń ósimi 3,6–3,9% deńgeiinde bolyp, ary qarai kelesi jyly 4,0%–4,3%-ke deiin jedeldeidi degen boljam bar.
