2025 jylǵa qarai memleket halyqty sýmen jabdyqtaý qyzmetterimen 100% qamtamasyz etýi tiis. Bul - 2020-2025 jyldarǵa arnalǵan «Nurly jer» memlekettik baǵdarlamasynyń baǵyttarynyń biri.
QR Indýstriia jáne infraqurylymdyq damý minitrligi taratqan málimetterge qaraǵanda, 3 óńirde, atap aitqanda Soltústik Qazaqstan, Mańǵystaý jáne Atyraý oblystarynda qala halqynyń 100% ortalyqtandyrylǵan sýmen qamtamasyz etilgen.
Aýyldyq jerlerde sýmen jabdyqtaýdyń eń kóp qamtylýy Almaty (98,3%), Atyraý (98,5%) jáne Qyzylorda (97,6%) oblystarynda baiqalady.
Elimizdiń keibir óńirleri bul baǵyt boiynsha artta qalǵan. Aýyz sýmen qamtýdyń eń tómen deńgeii Qostanai (64,7%), Jambyl (82,2%) jáne Pavlodar (88,4%) oblystarynyń aýyldarynda baiqalady.
Aǵymdaǵy jyly sýmen jabdyqtaýdyń sapaly qyzmetterimen qamtamasyz etý úshin 151,4 mlrd. teńge kózdelgen.
2021 jyldyń qorytyndysy boiynsha 200 myńǵa jýyq Qazaqstan turǵynyn sapaly sýmen qamtamasyz etý qosymsha josparlanýda, bul jalpy 17,86 mln. adamdy nemese respýblikanyń barlyq halqynyń 95% - yn quraidy, onyń ishinde: qalalarda – 98%, aýyldarda-92%.
