Biyl Qazaqstannyń kartop eksporttaýǵa múmkindigi bar. Bul jaiynda QR Aýyl sharýashylyǵy ministri Erbol Qarashókeev málim etti, dep habarlaidy QazAqparat.
«Kartoptyń ishki naryqtaǵy ailyq qajettiligi - 152,7 myń tonna. Ákimdikterdiń aqparaty boiynsha, búgingi tańda kartop qory 124,9 myń tonna bolady. Maýsym aiynan bastap erte pisetin kartop jinalyp jatyr. Onyń jalpy kólemi 270,9 myń tonnaǵa jetti. Tamyzdyń birinshi jartysynda 7,8 myń tonna jinaý josparlanǵan. Bul ishki naryqty molyqtyrýǵa jáne kartop baǵasynyń turaqtanýyna yqpal etkenin aita ketkim keledi. Osy aidyń basynan beri kartoptyń baǵasy 5% tómendedi. Qyrkúiekten bastap kúzgi kartopty jinaý bastalady, onyń kólemi 4 mln tonnadan asady. Bul ishki naryqtyń qajettiligin tolyq qamtamasyz etedi jáne belgili bir kólemdi eksportqa jóneltýge múmkindik beredi», - dedi ministr ortalyq kommýnikatsiialar qyzmetinde ótken brifingide.
Onyń málimeti boiynsha, qyryqqabat pen sábiz naryǵynda jaǵdai turaqty.
«Erte pisetin qyryqqabat pen sábiz kólemi kúzgi egin jinaǵanǵa deiin ishki naryqty qamtamasyz etýge jetkilikti. Tamyzdyń sońǵy onkúndiginen bastap kókónis ónimderiniń kúzgi ónimi naryqqa shyǵady dep kútilýde», - dedi vedomstvo basshysy.
