Foto: inbusiness.kz
Qazaqstandyqtar 1-synypqa qabyldaýǵa 270 myńnan astam ótinim berdi, dep habarlaidy «Ult aqparat» inbusiness.kz-ke silteme jasap.
1-synypqa ótinimder qabyldaý 2024 jylǵy 31 tamyzǵa deiin jalǵasady.
Búginge deiin 275177 ótinim kelip tústi. Birinshi synypqa oqýshylardy qabyldaý boiynsha Aqmola, Almaty, Jetisý, Pavlodar oblystary 100 paiyz kórsetkishke qol jetkizgen. Aldyn ala boljam boiynsha, 2024 jyldyń 31-jeltoqsanyna deiin 6 jasqa tolatyn balalar sany 370 myńnan asady, osylaisha olardyń birinshi synypqa barýǵa tolyq múmkindigi bar.
Azamattarǵa qolaily bolý úshin qyzmet kórsetý tolyǵymen avtomattandyryldy. Ata-analar men balalardyń zańdy ókilderi óz ótinimderin egov.kz elektrondy portalynda, sondai-aq jergilikti atqarýshy organdardyń aqparattyq júieleri arqyly tapsyra alady. Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady. Ótinimder demalys pen mereke kúnderinen basqa, dúisenbiden jumaǵa deiin qabyldanady.
