Búgin Nur-Sultan qalasynda «Qazaqstandaǵy kóshi-qon: Problemlaar, tendentsiialar, perspektivalar» atty respýblikalyq dóńgelek ústel otyrysy ótip jatyr, – dep habarlaidy «Ult aqparat».
QR Eńbek jáne halyqty áleýmettik qorǵaý ministriniń aitýynsha, elimizdegi 2 200-den astam kásiporynda 21 myńnan astam sheteldik azamat resmi ruqsat alyp, jumys isteýde.
«Kóshi-qon protsesteriniń tek áleýmettik-ekonomikalyq jaǵdaiǵa ǵana emes, sonymen birge eldiń qaýipsizdigine tikelei áserin jáne kópqyrlyǵyn eskere otyryp, zańsyz migratsiiany baqylap, arnalaryna tosqaýyl qoiýdy, olardy anyqtap, jolyn kesýdi qamtamasyz etý qajet. Búgingi kúni oryn alyp otyrǵan kóshi-qon aǵynyna qatysty aitar bolsaq, Ishki ister ministrligindegi áriptesterimizdiń derekterine sáikes, osy jyldyń 10 aiynda ǵana elimizge 5,6 mln adam kirip, álemniń 200-ge jýyq elinen kelgen 5,3 mln sheteldik shyqty» dedi ministr Birjan Nurymbetov
Onyń atap ótýinshe, qazirgi ýaqytta respýblikada shetelden jumys kúshin tartý saiasaty júzege asyrylyp jatyr. Sonymen qatar, jeke tulǵalardyń da sheteldik jumys kúshin tartýǵa múmkindigi bar. Jyl basynan beri 362 myń sheteldik azamatqa eńbek patenti berildi.
«Qazaqstan etnikalyq qazaqtardyń tarihi Otanyna oralýyna jaǵdai jasaý saiasatyn júrgizip keledi. Táýelsizdik jyldary ishinde 1 millionnan astam qandasymyz elge oraldy. Osy jyldyń ishinde ǵana 13 myń qandasymyz elimizge qonys aýdardy» dedi Birjan Nurymbetov.
