Biyl 5,7 myń shaqyrym jolda tólem alý júiesi engiziledi. Bul týraly Ortalyq kommýnikatsiialar qyzmetindegi brifingte QR IIDM Avtomobil joldary komitetiniń tóraǵasy Sairanbek Barmaqov aitty, dep habarlaidy QazAqparat.
«Búgingi tańda respýblikada uzyndyǵy 682 shaqyrymdy quraityn aqyly 4 jol ýchaskesi bar. Olar: «Nur-Sultan – Shýche», «Nur-Sultan – Temirtaý», «Temirtaý – Qorǵas», «Almaty – Qapshaǵai» joldary. 2020 jyldyń 20 sáýirindegi jaǵdaiǵa sáikes, aqyly joldardan jinalǵan qarajat kólemi 1 103,6 mln teńgeni quraidy«, - dedi ol.
Komitet basshysynyń aitýynsha, joldarda tólem alý júiesin aldaǵy ýaqytta da engizý maqsatynda 2019 jyly investitsiialyq konkýrstyń qorytyndylary boiynsha «Computer Vision Technologies» JShS basqaratyn konsortsiýmmen kelisimshart jasalǵan. Atalǵan qujatqa sáikes, konsortsiým 11 myń shaqyrym jolda tólem alý júiesin ornatý jáne ony kútip ustaý mindetin alady. Joba quny 138, 8 mlrd teńgeni quraidy.
«Kelisim aiasynda osy jyly rekonstrýktsiiadan ótken uzyndyǵy 5,7 myń shaqyrymdy quraityn joldarda tólem alý júiesi engiziledi dep josparlanýda. Joldardyń qalǵan 5,3 myń shaqyrymy qaita jańartý jumystarynan ótkizilý merzimine orai 2024 jylǵa deiin aqyly bolady. Búgingi tańda investor jol ýchaskelerin zerttep, baqylaý arkalaryn ornatý oryndaryn belgiledi. Sondai-aq, jobalyq zertteý jumystary júrgizilip jatyr», - dedi Sairanbek Barmaqov.
Al «QazAvtoJol» UK» AQ basqarma tóraǵasy Ulan Álipovtiń dereginshe, biyl Shymkent – Ózbekstan shekarasy, Qapshaǵai – Taldyqorǵan, Oral – RF shekarasy, Nur-Sultan – Pavlodar, Qyzylorda – Shymkent – Taraz, Aqtóbe – Oral – RF shekarasy syndy joldarda tólem alý júiesin engiziledi.
