Ile-Alataý memlekettik ulttyq tabiǵi parkiniń aýmaǵynda ekologiialyq reid ótkizildi, dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
Sharaǵa park qyzmetkerlerimen birge Almaty qalasy týrizm basqarmasy men tabiǵatty qorǵaý politsiiasynyń ókilderi, eriktiler, «Kaz Eco Patrol» RQB, ormanshylar, memlekettik inspektorlary qatysty. Birlesken is-shara barysynda ekologiialyq zańnamany buzý faktileri anyqtaldy.
Atap aitqanda, orman faýnasyn joiý jáne zaqymdaý, sondai-aq qaldyqpen lastaýǵa qatysty 1 fakti tirkeldi. Sondai-aq órt qaýipsizdigi erejesi men ormannyń sanitariia erejesin saqtamaýǵa qatysty 3 fakti tirkeldi.
Aita ketý kerek, Ile-Alataý parkine jyl saiyn 250 myńnan astam týrist keledi. Olardyń kóbeiýine bailanysty ulttyq park antropogendik faktorlardyń áserin azaitý úshin týrist marshrýttary men soqpaqtaryn únemi qadaǵalap otyrýy kerek. Osyǵan bailanysty qatty turmystyq qaldyqty bólek jinaý jáne suryptaýdy engizýge jónindegi jol kartasy jasaldy.
«Ony júzege asyrý barysynda 2020 jyly 2 zamanaýi qoqys tasyǵysh, qatty turmystyq qaldyqty jinaýǵa arnalǵan 135 konteiner jáne organikalyq jáne tamaq qaldyǵyna arnalǵan 90 konteiner satyp alyndy. Jyl basynan beri saiabaq aýmaǵynan 400 tonnadan astam qoqys shyǵaryldy. Sondai-aq, órt qaýpi jaǵdaiyn ýshyqtyrmas úshin 4 tamyzynan bastap saiabaq aýmaǵynda ot jaǵýǵa tyiym salyndy. Ot jaqqan jáne qoqys tastaǵan adamdar ákimshilik jaýapkershilikke tartylady», delingen habarlamada.
