Áleýmettik meditsinalyq saqtandyrý qory jyl saiyn emdeý mekemelerimen tegin meditsinalyq kómektiń kepildendirilgen kólemi aiasynda halyqqa qyzmet kórsetetin meditsinalyq uiymdarmen kelisimsharttar jasaidy. Osy kelisimsharttar negizinde emdeý mekemeleri halyqqa tegin meditsinalyq qyzmet kórsetedi. Al kórsetilgen qyzmet aqysyn Meditsinalyq saqtandyrý qory tóleidi.
«Qazirgi tańda Qordyń Astana qalasy boiynsha filialy 2019 jyly meditsinalyq qyzmet kórsetetin 93 emdeý mekemesimen kelisimshart jasasty. Olardyń 35-i memlekettik, qalǵany jekemenshik klinikalar», - deidi ÁMSQ Astana qalasy boiynsha filialynyń direktory Nurlybek Qabdyqaparov.
Meditsinalyq saqtandyrý qory emdeý mekemelerimen TMKKK paketi sheńberinde halyqqa tegin kómek kórsetý jóninde kelisimsharttar bekitken bolatyn. Astana qalasy boiynsha bekitilgen kelisimsharttardyń jalpy somasy 90 mlrd teńgeni quraidy. Qarjy kepildendirilgen tegin meditsinalyq kómek paketi (TMKKK) sheńberinde bólinedi. Bul rette elordalyq jeke menshik meditsina uiymdary da belsendilik tanytyp otyr.
Esterińizge sala ketsek, Meditsinalyq saqtandyrý qory 2018 jyldan bastap tegin meditsinalyq kómektiń kepildik berilgen kólemi (TMKKK) jáne mindetti áleýmettik meditsinalyq saqtandyrý (MÁMS) paketteri boiynsha úkimet belgilegen sheńberde turǵyndar úshin qyzmetterdi satyp alýshy qarjy operatory bolyp tabylady. Iaǵni, halyqqa kórsetiletin meditsinalyq qyzmet sapasy – Qor baqylaýynda.
