Biyl Nur-Sultanda qurylysy uzaqqa sozylǵan 500 myń sharshy metr turǵyn úilerdiń qurylysy aiaqtalady, dep habarlaidy "Ult aqparat" elorda ákimdiginiń resmi saityna silteme jasap.
Bul degenimiz - 20 turǵyn úi kesheni. 8 myńǵa jýyq úlesker páter iesi atanyp, úi qujattaryn rásimdei alady.
Búgin elorda ákimi Altai Kólginov jumys sapary barysynda «Jastar 4», «Arystan», «Garant» siiaqty birqatar úlestik qurylys nysandaryn aralady.
«Turǵyn úi kesheninde jumystar qaita bastaldy. Páterimizdi jyl saiyn kúttik. Al qazir qurylys jumystarynyń jandanǵanyn óz kózimizben kórip turmyz. Ótken jyldyń kúzimen salystyratyn bolsaq, kóp jumys atqaryldy. Ózimiz úshin de, basqa da úleskerler úshin de qýanyshtymyz», - dep atap ótti turǵyn úi úleskerleri.
Elorda ákimi Altai Kólginov barlyq sanitarlyq normalardy qatań saqtaý kerektigin aitty.
«Pandemiiany eskere otyryp, nysandarda barlyq talaptardy qatań saqtaý qajet. Jumysty tiisti deńgeide júrgizý mańyzdy. Qurylys sapaly bolýy kerek. Qalany abattandyrý qajet», - deidi qala basshysy.
Ótken jyly 2,5 myń úleskeri bar 10 úi paidalanýǵa berildi. Árbir úlestik qurylys nysany boiynsha qadamdyq is-sharalar jospary ázirlendi.
