Foto: ashyq derekkóz
QR Premer-ministriniń orynbasary Ermek Kósherbaev Úkimette ótken baspasóz máslihatynda Memleket basshysynyń respýblikadaǵy bilim berý salasyn damytý jónindegi tapsyrmalary aiasynda atqarylyp jatqan jumystar týraly aityp berdi, dep habarlaidy Ult.kz.
Vitse-premer jyl basynan beri elimiz boiynsha 13 myń oryndyq 172 balabaqsha ashylǵanyn habarlady. Sonyń nátijesinde balabaqshaǵy kezek azaiyp keledi.
Memleket basshysynyń tapsyrmasyna sáikes 1,7 mln oqýshy tegin ystyq tamaq ishedi. Olardyń ishinde áleýmettik osal toptardan 99 myń bala bar. Olardy qoldaýǵa 18,4 mlrd teńge bólindi. Tamaqtanýdyń jańa standarty engizildi: kókónister kóp, qant az, ziiandy taǵamdar alynyp tastaldy.
«Ulttyq qor – balalarǵa» baǵdarlamasy boiynsha 6,8 mln balaǵa aqshalai qarajat aýdaryldy. Olar ony bolashaqta bilim men turǵyn úige paidalana alady.
Mektepterdiń qurylysy men qaita jańǵyrtý jumystary jalǵasýda. Sońǵy eki jylda 388 myń oryndyq 274 jańa mektep ashyldy. Onyń ishinde «Jaily mektep» ulttyq jobasy aiasynda - 115 mektep bar. Taǵy 177 mekteptiń qurylysy júrýde.
«Prezidenttiń nusqaýyna sáikes 245 mektepti keshendi jańartý júrgizilýde. Bul jalpy bilim beretin mektepterdiń standarttaryn jaily mektepterge jaqyndatýǵa múmkindik beredi. Nátijesinde 95 myńnan astam oqýshynyń oqý jaǵdaiy jaqsarýda», — dedi Ermek Kósherbaev.
Stýdenttik stipendiialar men kolledjderdi qarjylandyrý eki ese ósti. Biyl JOO-ǵa túsý úshin magistratýra men doktorantýrany qosa alǵanda 93 myń grant bólinedi. Jetekshi sheteldik ýniversitetterdiń 24 filialy ashyldy. Jańa jataqhanalardyń iske qosylýynyń nátijesinde oryn tapshylyǵy 72%-ǵa qysqardy. Nátijesinde qazirgi ýaqytta bul másele sheshilip keledi. Bul jumystar jalǵasyn tabatyn bolady.
