Bilim jáne ǵylym ministrligi Mektepke deiingi orta bilim berý komitetiniń tóraǵasy Maira Meldebekova biylǵy oqý jylynda neshe oqýshynyń mektep bitiretinin aitty, dep habarlaidy QazAqparat.
«Jalpy 3 mln 400 myńnan astam oqýshymyz bar. Osy oqý jylynda oqý protsesi ár túrli formattarmen júrdi. Oqýshy sany 300 balaǵa deiingi mektepterdiń bári dástúrli formatta oqydy. Ol mektepterde 120 myńnan astam bala bar. Sonymen qatar, oqý jylynyń basynan beri 1-5 synyptarda kezekshi toptar ashtyq. Árine bastaýysh synyptardyń balalarynda qashyqtan oqýǵa daǵdylary qalyptaspaǵandyqtan olardyń bárimen eldegi sanitarlyq ahýalǵa bailanysty kezekshi toptar boiynsha jumys isteýge quzyrly ministrlikten ruqsat alyp otyrdyq», - dedi Maira Meldebekova.
Ministrlik ókili III toqsannan bastap 9-11 synyptarda qorytyndy attestatsiia emtihandaryn tapsyratyn bolǵandyqtan, dástúrli formatta bilim alýǵa múmkindik alǵanyn eske saldy.
«Jyl boiynda oqytý formaty árbir eldi mekenniń sanitarlyq-epidemiologiialyq jaǵdaiyna bailanysty tańdalyp otyrdy. Qorytyndy attestattaýǵa baratyn 264 800-den astam bala 9 synyp túlegi, 154 400-den astam 11 synyp túlegi bar», - dedi komitet basshysy Maira Meldebekova.
