Biyl elimizde 24 radioteleviziialyq stansa iske qosylady. Bul QR Aqparat jáne qoǵamdyq damý ministri Aida Balaevanyń Májilis depýttarynyń saýalyna bergen jaýabynda aitylǵan, dep habarlaidy "Ult aqparat".
«Teleradio habaryn taratý salasynda biryńǵai aqparattyq keńistik qurý aiasynda spýtniktik jəne efirlik teleradio habaryn taratý qyzmetin engizý boiynsha birshama is-shara júzege asyrylýda. Məselen, «OTAU TV» tikelei spýtniktik habar taratý qyzmeti búkil Qazaqstan aýmaǵyn 100 paiyz qamtidy. Bul qyzmette qazirgi kezde 1,4 mln paidalanýshy tirkelgen. Onyń shamamen 80 paiyzy - aýyldyq eldi mekender. Sonymen qatar, Qazaqstan Respýblikasynda tsifrlyq efirlik telehabar taratýǵa kezeń-kezeńimen kóshý boiynsha jumys júrgizilýde. TsETHT jobasyna səikes 827 radioteleviziialyq stansa salý jəne jańǵyrtý josparlanýda», - dep atap ótedi ministr.
Onyń atap ótýinshe, 2020 jylǵy 1 qazandaǵy jaǵdai boiynsha 518 RTS paidalanýǵa berilgen. Bul Qazaqstan halqynyń 89,3 paiyzyn TsETHT-men qamtidy.
«2020 jyldyń sońyna deiin taǵy 24 RTS iske qosylady. Shyǵys Qazaqstan oblysy boiynsha qazirgi ýaqytta josparlanǵan 183 TsETHT nysanynyń 118 RTS-i paidalanýǵa berildi. Jalpy halyq sany 1,2 mln adamnan astam 625 eldi mekendi qamtydy. TsETHT engizilýimen respýblikalyq mańyzy bar qalalar men oblys ortalyqtary deńgeiinde turǵyndarǵa 30-ǵa jýyq, al oblys ortalyǵynan shalǵai jatqan eldi mekenderde 15-ke deiin telearna qoljetimdi boldy», - dedi Aida Balaeva.
