Biyl elimizde 211 densaýlyq saqtaý nysany salynady. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Alǵashqy meditsinalyq-sanitarlyq kómek uiymdarynyń infraqurylymyn damytý jáne jabdyqtaý boiynsha halyqqa meditsinalyq kómek qoljetimdiligin barynsha jaqyndatýǵa baǵyttalǵan densaýlyq saqtaý salasynyń memlekettik uiymdary jelisi normativi qaita qaralatyn bolady. Bul rette turǵyndar sany 50 adamǵa deiingi eldi mekender ǵimaratsyz meditsinalyq qyzmetkerlermen qamtamasyz etilip, 300-ge jýyq adam turatyn aýlydarda meditsinalyq pýnktter, al 300-den astam turǵyny bar aýyldar da feldsherlik-akýsherlik pýnkt ashylady», - dedi ministr.
Onyń aitýynsha, 2020-2025 jyldarǵa arnalǵan densaýlyq saqtaýdy damytýdyń memlekettik baǵdarlamasy men «Aýyl – el besigi» baǵdarlamasy aiasynda AMSK-niń 487 jańa nysany salynyp, 270 jumys orny qurylady. Bul maqsattara boljammen 87,7 mlrd teńge qajet.
«2021 jyly 211 nysan, onyń ishinde - 83 meditsinalyq pýnkt, 70 feldsherlik-akýsherlik pýnkt, 57 dárigerlik ambýlatoriia jáne 1 emhana salý josparlanǵan. 2025 jyldyń sońynda deiin 600-den astam, onyń ishinde aýyldardaǵy 584 alǵashqy meditsinalyq-sanitarlyq kómek nysany kúrdeli jóndeýden ótedi», - dedi Aleksei Tsoi.
