Foto: u-f.ru
Biyl kóktemgi dala jáne egin jinaý jumystaryna jeńildetilgen kredit berýge 700 mlrd teńge (2025 jyl – 649,3 mlrd teńge) baǵyttaý josparlanýda. Bul týlaly QR aýyl sharýashylyǵy ministri Aidarbek Saparov Úkimet otyrysynda málimdedi, dep habarlaidy Ult.kz.
Ministrdiń sózinshe erte qarjylandyrýdyń arqasynda sharýalar qajetti kólemde sapaly tuqymdardy, mineraldyq tyńaitqyshtardy, ósimdikterdi qorǵaý quraldaryn, sondai-aq janar-jaǵarmai materialdar men tehnikany aldyn ala jáne qoljetimdi baǵamen satyp alýǵa múmkindikteri paida boldy.
"Eger 2025 jylǵy egis naýqanyna erte qarjylandyrý 2024 jyldyń qarasha aiynyń sońynda bastalǵan bolsa, 2026 jylǵy kóktemgi dala jumystaryna ótinimderdi qabyldaý ótken jyldyń qazan aiynda bastaldy. Osynyń nátijesinde, búgingi kúni shamamen 1 900 sharýalar 200 mlrd teńgege qarjylandyryldy, bul jalpy qarjylandyrý kóleminiń 27%-ynquraidy.
Sonymen qatar, «Damý» qory arqyly beriletin kepildikter boiynsha nesie kólemin 300 mlrd teńgege deiin jetkizý josparlanýda (2025 jyl – 283 mlrd teńge). Búgingi kúni 86 mlrd teńgekólemindegi kreditterge kepildik berildi", - dedi ol.
Sondai-aq baiandamada aitylǵandai, otandyq aýyl sharýashylyǵy tehnikasyn jeńildetilgen lizingke berý jalǵastyrylyp, onyń kólemi keminde 300 mlrd teńgeni quraidy. (2025 jyl – 246 mlrd teńge) Azyq-túlik korporatsiiasynyń forvardtyq satyp alý baǵdarlamasy aiasynda 152 sharýadan 34 mlrd teńgege ótinimder kelip tústi, onyń ishinde 40 sharýa 13,8 mlrd teńgege qarjylandyryldy.
