Doktorantýraǵa túsýshiler emtihandy Ulttyq testileý ortalyǵy arqyly tapsyratyn boldy, dep habarlaidy QazAqparat.
Bul týraly Qazaqstan Respýblikasy Bilim jáne ǵylym vitse-minis Miras Dáýlenov vedomstvonyń aqparat alańynda aitty.
«Biyl doktorantýra baǵdarlamasyna túsý erejesine ózgerister engizildi. Onyń ishinde túsý emtihanyn jańasha formatta ótkizý qarastyrylǵan.
Doktorantýraǵa ótinishterdi qabyldaý 3 shildede bastalyp, 3 tamyzǵa deiin jalǵasady. Doktorantýraǵa túsý emtihandary 4-20 tamyz aralyǵynda ótedi. Endi doktorantýraǵa túsýshiler de kompiýterlik formatta test tapsyrady. Byltyr osy format magistratýraǵa túsýshiler arasynda synalyp, sátti aiaqtalǵan bolatyn», - dedi vitse-ministr.
Ol, sondai-aq doktorantýraǵa túsýshilerge qoiylatyn negizgi talaptardy da atady.
«Doktorantýraǵa túsýshilerdiń sanatyna magistr dárejesi bar adamdar qabyldanatynyn atap ótkim keledi. Eńbek ótili 9 aidan kem bolmaýy kerek. Al meditsinalyq mamandyqtar boiynsha rezidentýrany aiaqtaǵan bolýy kerek. Buryn bul merzim bir jyl bolatyn. Biraq JOO-lar men túsýshilerdiń ótinishi eskerilip, 9 aiǵa qysqartyldy. Doktorantýraǵa túsýshilerdiń qujattary da Ulttyq testileý ortalyǵynyń aqparattyq júiesi arqyly qabyldanady», - dedi Miras Dáýlenov.
Ministr orynbasarynyń sózine qaraǵanda, doktorantýra 6 qadamnan turady.
«Birinshi qadam – Ulttyq testileý ortalyǵynda tirkelý, ekinshi qadam – óńirlik testileý ortalyǵynda emtihan tasyrý. Osydan keiin túsý emtihandarynyń nátijesi jariialanady. Al appeliatsiia berýge jeke sait usynylady. Grant taǵaiyndalǵan týraly kýálik tek elektrondy formatta túsýshiniń jeke kabineti arqyly beriledi. Tirkelý kezinde túsýshi anketany toltyryp, bir JOO-ny kórsetedi. Bilim berý baǵdarlamasynyń bir tobyn jáne emtihan tapsyrý ornyn tańdaidy. Emtihannyń ótý tártibi men orny týraly túsýshige 3 kún buryn habarlanady. Úmitkerler kompiýter aldynda otyryp esse jazady. Osydan keiin doktorantýrada oqýǵa daiyndyǵy týraly test tapsyrady. Budan keiin ózi tańdaǵan bilim berý baǵdarlamasy boiynsha test tapsyrady», - dedi vitse-ministr.
