دوكتورانتۋراعا تٷسۋشٸلەر ەمتيحاندى ۇلتتىق تەستٸلەۋ ورتالىعى ارقىلى تاپسىراتىن بولدى, دەپ حابارلايدى قازاقپارات.
بۇل تۋرالى قازاقستان رەسپۋبليكاسى بٸلٸم جەنە عىلىم ۆيتسە-مينيس ميراس دەۋلەنوۆ ۆەدومستۆونىڭ اقپارات الاڭىندا ايتتى.
«بيىل دوكتورانتۋرا باعدارلاماسىنا تٷسۋ ەرەجەسٸنە ٶزگەرٸستەر ەنگٸزٸلدٸ. ونىڭ ٸشٸندە تٷسۋ ەمتيحانىن جاڭاشا فورماتتا ٶتكٸزۋ قاراستىرىلعان.
دوكتورانتۋراعا ٶتٸنٸشتەردٸ قابىلداۋ 3 شٸلدەدە باستالىپ, 3 تامىزعا دەيٸن جالعاسادى. دوكتورانتۋراعا تٷسۋ ەمتيحاندارى 4-20 تامىز ارالىعىندا ٶتەدٸ. ەندٸ دوكتورانتۋراعا تٷسۋشٸلەر دە كومپيۋتەرلٸك فورماتتا تەست تاپسىرادى. بىلتىر وسى فورمات ماگيستراتۋراعا تٷسۋشٸلەر اراسىندا سىنالىپ, سەتتٸ اياقتالعان بولاتىن», - دەدٸ ۆيتسە-مينيستر.
ول, سونداي-اق دوكتورانتۋراعا تٷسۋشٸلەرگە قويىلاتىن نەگٸزگٸ تالاپتاردى دا اتادى.
«دوكتورانتۋراعا تٷسۋشٸلەردٸڭ ساناتىنا ماگيستر دەرەجەسٸ بار ادامدار قابىلداناتىنىن اتاپ ٶتكٸم كەلەدٸ. ەڭبەك ٶتٸلٸ 9 ايدان كەم بولماۋى كەرەك. ال مەديتسينالىق ماماندىقتار بويىنشا رەزيدەنتۋرانى اياقتاعان بولۋى كەرەك. بۇرىن بۇل مەرزٸم بٸر جىل بولاتىن. بٸراق جوو-لار مەن تٷسۋشٸلەردٸڭ ٶتٸنٸشٸ ەسكەرٸلٸپ, 9 ايعا قىسقارتىلدى. دوكتورانتۋراعا تٷسۋشٸلەردٸڭ قۇجاتتارى دا ۇلتتىق تەستٸلەۋ ورتالىعىنىڭ اقپاراتتىق جٷيەسٸ ارقىلى قابىلدانادى», - دەدٸ ميراس دەۋلەنوۆ.
مينيستر ورىنباسارىنىڭ سٶزٸنە قاراعاندا, دوكتورانتۋرا 6 قادامنان تۇرادى.
«بٸرٸنشٸ قادام – ۇلتتىق تەستٸلەۋ ورتالىعىندا تٸركەلۋ, ەكٸنشٸ قادام – ٶڭٸرلٸك تەستٸلەۋ ورتالىعىندا ەمتيحان تاسىرۋ. وسىدان كەيٸن تٷسۋ ەمتيحاندارىنىڭ نەتيجەسٸ جارييالانادى. ال اپپەلياتسييا بەرۋگە جەكە سايت ۇسىنىلادى. گرانت تاعايىندالعان تۋرالى كۋەلٸك تەك ەلەكتروندى فورماتتا تٷسۋشٸنٸڭ جەكە كابينەتٸ ارقىلى بەرٸلەدٸ. تٸركەلۋ كەزٸندە تٷسۋشٸ انكەتانى تولتىرىپ, بٸر جوو-نى كٶرسەتەدٸ. بٸلٸم بەرۋ باعدارلاماسىنىڭ بٸر توبىن جەنە ەمتيحان تاپسىرۋ ورنىن تاڭدايدى. ەمتيحاننىڭ ٶتۋ تەرتٸبٸ مەن ورنى تۋرالى تٷسۋشٸگە 3 كٷن بۇرىن حابارلانادى. ٷمٸتكەرلەر كومپيۋتەر الدىندا وتىرىپ ەسسە جازادى. وسىدان كەيٸن دوكتورانتۋرادا وقۋعا دايىندىعى تۋرالى تەست تاپسىرادى. بۇدان كەيٸن ٶزٸ تاڭداعان بٸلٸم بەرۋ باعدارلاماسى بويىنشا تەست تاپسىرادى», - دەدٸ ۆيتسە-مينيستر.
