2018 jyly bala bir jasqa tolǵanǵa deiin onyń kútimine bailanysty ai saiynǵy memlekettik járdemaqy tóleýge respýblikalyq biýdjetten 36,8 mlrd teńge qarastyrylady, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«2018 jyly bala bir jasqa tolǵanǵa deiin onyń kútimine bailanysty ai saiynǵy memlekettik járdemaqy tóleýge respýblikalyq biýdjette 36,8 mlrd teńge qarastyrylady jáne járdemaqynyń mólsheri otbasyndaǵy balalar sanyna qarai 13 853 teńgeden (birinshi balaǵa, 16 379 teńge - ekinshi balaǵa, 18 880 teńge - úshinshi balaǵa) 21 405 teńgege deiin (tórtinshi jáne odan kóp balaǵa) taǵaiyndalady», delingen habarlamada.
Jumys istemeitin áielderge bir jasqa deiingi bala kútimine bailanysty járdemaqy respýblikalyq biýdjetten, al jumys isteitinderge - Memlekettik áleýmettik saqtandyrý qorynan tólenedi.
2017 jyly bir jasqa deiingi bala kútimine bailanysty tólemderge 106,5 mlrd teńge bólindi. Bir jasqa tolǵanǵa deiingi bala kútimine bailanysty járdemaqy tólemderine 2017 jyly respýblikalyq biýdjetten 32,4 mlrd. teńge bólindi. Ótken jyly bir jasqa deiingi bala kútimine bailanysty járdemaqyny ortasha eseppen 145,7 myń adam aldy. Bul rette, járdemaqynyń mólsheri otbasyndaǵy balalar sanyna qarai saralanyp, 13 070 teńgeden (birinshi balaǵa, 15 452 teńge - ekinshi balaǵa, 17 812 teńge - úshinshi balaǵa) 20 195 teńge shamasynda (tórtinshi jáne odan kóp balaǵa) berildi.
Memlekettik áleýmettik saqtandyrý qorynan 2017 jyly jumys isteitin áielderge bir jasqa deiingi bala kútimine bailanysty 74,1 mlrd teńge áleýmettik tólemder berildi. Osy áleýmettik tólemdi bir jylda ortasha eseppen 230,9 myń adam aldy. Bul rette, tólenetin áleýmettik tólemderdiń mólsheri sońǵy 2 jyldaǵy ortasha ailyq tabystyń 40 %-yn qurady.
Sondai-aq, 2014 jyldyń basynan bastap, jumys isteitin áielder úshin bir jasqa tolǵanǵa deiingi bala kútimine bailanysty demalysta júrgende, mindetti zeinetaqy jarnalary sýbsidiialanady, bul jinaqtalǵan zeinetaqy qarajatynyń ulǵaiýyna yqpal etedi. Osy aralyqta (2014-2017 jyldary) respýblikalyq biýdjetten zeinetaqy jarnalaryn sýbsidiialaýǵa jalpy 16,5 mlrd teńge jumsaldy.
