Biylǵy jyldyń sońyna deiin 5 myńnan astam eldi mekenge internet qosylady. Osy joba aiasynda bailanys operatorlary «Shering» shartyna qol qoiyp, bir-biriniń bazalyq stantsiialaryn paidalana alatyn boldy, - dep habarlaidy «Ult aqparat».
Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi.
«Qazirgi ýaqytta barlyq qala jáne 4 500-den astam aýyl ár túrli tehnologiialar boiynsha internetpen qamtamasyz etilgen. Jyl sońyna deiin jalpy 5 200-den astam eldi mekenge internet jetkiziledi», – dedi Baǵdat Mýsin úkimet otyrysynda.
Ministrdiń aitýynsha, internet jelisin damytý úshin elde eki aýqymdy joba júzege asyp jatyr. Onyń birinshisi – memlekettik-jekeshelik seriktestik tetigi arqyly optikalyq internet tartý. Bul týraly ministr Baǵdat Mýsin sandardy sóiletý arqyly túsindirip berdi.
«Joba boiynsha 2,4 million adam turatyn 1 260-qa jýyq aýylǵa internet jelisi tartylýda. Eger 2018 jyly 56 aýylǵa ǵana optikalyq liniia tartylsa, biyl myńǵa jýyq aýyl qosylýda. Pandemiiaǵa qaramastan jumystar tolyq oryndalyp jatyr. Bul jobaǵa 75 milliard tengege jýyq investitsiia tartyldy. Joba aiasynda 3 700 memlekettik organǵa bailanys jetkizildi», – dedi ol.
Sonymen birge, ekinshi joba halqy 250 adamnan asatyn 928 aýyldyq eldi mekendi 3G jáne 4G tehnologiialary boiynsha mobildi internetpen qamtýdy kózdeidi. Bul úshin joba aiasynda operatorlar «Shering» shartyna qol qoiyp, bir-biriniń bazalyq stantsiialaryn paidalana alady.
Ministrdiń aitýynsha, qazirgi ýaqytta 72 eldi meken mobildi internetke qosylǵan. Bul jobanyń oryndalýy úshin operatorlar tóleitin arnaiy salyq tólemderi tómendetilýde.
«Tiisti normalar májilistiń qaraýynan ótti. Sondai-aq, mobildi bailanystyń bazalyq stantsiialaryn optikaǵa qosý jumystary júrgizilýde. Sonymen qatar, Mýsin 5G uialy bailanys standartyn engizý jaiy taǵy bar. Atap aitqanda, Nur-Sultan, Almaty, Shymkent qalalarynda 5G jelisi 2022 jyly iske qosylady. Al oblys ortalyqtarynda 2025 jylǵa deiin qosý josparlanyp otyr», - dedi Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Aita keteiik, búginde barlyq bilim alýshylar qashyqtan onlain oqyp jatqany belgili. Osy oraida internet máseleleri de shyǵa keldi. Kemshilikterdiń aldyn alý úshin Senat depýtaty Muhtar Qul-Muhamed qashyqtan oqyp jatqan bilim alýshylardy tegin internetpen qamtamasyz etýdi talap etken bolatyn. Bilimland.kz, Daryn.online jáne Kundelik.kz negizgi bilim berý platformalarynyń jumys isteý jyldamdyǵy tómen dep synǵa alǵan senat depýtaty olardy negizgi bilim berý platformalary ekenin atap ótti.
Esterińizge sala keteiik, Biylǵy jyldyń sońyna deiin 5 myńnan astam eldi mekenge internet qosylady. Osy joba aiasynda bailanys operatorlary «Shering» shartyna qol qoiyp, bir-biriniń bazalyq stantsiialaryn paidalana alatyn boldy. Al qazirgi ýaqytta barlyq qala jáne 4 500-den astam aýyl ár túrli tehnologiialar boiynsha internetpen qamtamasyz etilgen. Jyl sońyna deiin jalpy 5 200-den astam eldi mekenge internet jetkiziledi.
