Biyl Túrkistan oblysynda respýblikalyq jáne jergilikti mańyzy bar avtomobil joldaryn salý, rekonstrýktsiialaý, kúrdeli jáne ortasha jóndeý boiynsha birqatar jol jobalaryn iske asyrý josparlanyp otyr.
Bul týraly QR Indýstriia jáne infraqurylymdyq damý ministrliginiń Telegram kanalynan málim boldy, dep habarlaidy "Ult aqparat".
Atap aitsaq, jolshylar «Batys Eýropa – Batys Qytai» halyqaralyq tranzittik dálizine rekonstrýktsiia júrgizbek. Budan bólek, «Almaty - Tashkent - Termez» tas jolynda úsh jaiaý júrginshiler ótkeli turǵyzylyp, «Shymkenttiń soltústik ainalma jolynyń» 2231 + 674 km jáne «RF shekarasy (Samaraǵa) - Shymkent, Oral, Aqtóbe, Qyzylorda arqyly» jolynyń 2135- 2183 km ýchaskesin ortasha jóndeýden ótkizý kózdelgen.
Sonymen qatar, óńirde oblystyq jáne aýdandyq mańyzy bar joldardy jańartý josparlanyp otyr. Kúrdeli jóndeý jumystarymen kelesidei avtomobil joldary qamtylady: Shardara aýdanyndaǵy «Ózbekstan Respýblikasy shekarasy-Shardara-Arys-Temirlan-M-32 respýblikalyq jolynyń» 70-111 km jáne «Oblys shekarasy-Jambyl-Qumkent-Sholaqqorǵan- R-31 respýblikalyq joly» 279-312,1 km. Sondai-aq, 2021 jyly «KH-15-Elshibek batyr» 0-3 km, «KH-15-Qaraqum» 0-1 km, «M-32-Qyzyljar 0-6 km, «KH-63-Yqylastemir» 0-4,5 km, «M-32-Shubarsý» 0-6,6 km, «Shubarsý-Shubarsý-2» 0-5,6 km, «Qaraspan-Juldyz» 0-1,6 km jol ýchaskelerinde ortasha jóndeý júrgiziletin bolady.
Aita keteiik, óńirdegi avtomobil joldary jelisiniń uzyndyǵy 6 692 shaqyrymdy quraidy. Onyń 740 km – respýblikalyq jáne 5952 km – jergilikti mańyzy bar joldar.
