Biyl elimizde aýyl sharýashylyǵy daqyldary alańy 237,7 myń gektarǵa ulǵaityldy. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy QazAqparat.
«Koronavirýs pandemiiasyna bailanysty aǵymdaǵy jaǵdai azyq-túlik qaýipsizdigi, sondai-aq aýyl sharýashylyǵyn damytý máseleleri basty máselelerdiń biri bolǵanyn kórsetti. Biyl qazaqstandyq aýyl sharýashylyǵy ónimine suranystyń artqanyn eskere otyryp, aýyl sharýashylyǵy daqyldary alańy 237,7 myń gektarǵa ulǵaitylyp, 22,5 mln gektarǵa deiin jetkizildi», - dedi ol.
Bul rette ministr egis alańdarynyń qurylymynda mynadai rentabeldiligi joǵary daqyldardyń: maily daqyldardyń 122,2 myń gektarǵa, azyqtyq daqyldardyń 308,6 myń gektarǵa, kókónis-baqsha daqyldarynyń 11,5 myń gektarǵa jetkizý), sondai-aq joǵary suranysqa ie qaraqumyqtyń 30,9 myń gektarǵa ósimi qamtamasyz etilgenin aitty.
«Jalpy joǵaryda kórsetilgen sharalardy iske asyrý ósimdik sharýashylyǵynyń jalpy ónim kólemin 3,1 trln teńgege, iaǵni josparlanǵan indikatorlarǵa deiin ulǵaitýǵa múmkindik beredi»,- dedi Saparhan Omarov.
