بيىل ەلٸمٸزدە اۋىل شارۋاشىلىعى داقىلدارى الاڭى 237,7 مىڭ گەكتارعا ۇلعايتىلدى. بۇل تۋرالى قر اۋىل شارۋاشىلىعى مينيسترٸ ساپارحان وماروۆ ەسەپ بەرۋ كەزدەسۋٸندە ايتتى, دەپ حابارلايدى قازاقپارات.
«كوروناۆيرۋس پاندەميياسىنا بايلانىستى اعىمداعى جاعداي ازىق-تٷلٸك قاۋٸپسٸزدٸگٸ, سونداي-اق اۋىل شارۋاشىلىعىن دامىتۋ مەسەلەلەرٸ باستى مەسەلەلەردٸڭ بٸرٸ بولعانىن كٶرسەتتٸ. بيىل قازاقستاندىق اۋىل شارۋاشىلىعى ٶنٸمٸنە سۇرانىستىڭ ارتقانىن ەسكەرە وتىرىپ, اۋىل شارۋاشىلىعى داقىلدارى الاڭى 237,7 مىڭ گەكتارعا ۇلعايتىلىپ, 22,5 ملن گەكتارعا دەيٸن جەتكٸزٸلدٸ», - دەدٸ ول.
بۇل رەتتە مينيستر ەگٸس الاڭدارىنىڭ قۇرىلىمىندا مىناداي رەنتابەلدٸلٸگٸ جوعارى داقىلداردىڭ: مايلى داقىلداردىڭ 122,2 مىڭ گەكتارعا, ازىقتىق داقىلداردىڭ 308,6 مىڭ گەكتارعا, كٶكٶنٸس-باقشا داقىلدارىنىڭ 11,5 مىڭ گەكتارعا جەتكٸزۋ), سونداي-اق جوعارى سۇرانىسقا يە قاراقۇمىقتىڭ 30,9 مىڭ گەكتارعا ٶسٸمٸ قامتاماسىز ەتٸلگەنٸن ايتتى.
«جالپى جوعارىدا كٶرسەتٸلگەن شارالاردى ٸسكە اسىرۋ ٶسٸمدٸك شارۋاشىلىعىنىڭ جالپى ٶنٸم كٶلەمٸن 3,1 ترلن تەڭگەگە, ياعني جوسپارلانعان ينديكاتورلارعا دەيٸن ۇلعايتۋعا مٷمكٸندٸك بەرەدٸ»,- دەدٸ ساپارحان وماروۆ.
