Atyraý oblysy men Shymkentte biyl 3 munai-gaz himiia zaýyty iske qosylýy tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Kómirsýtekterge álemdik baǵanyń turaqsyzdyǵy tehnologiialyq kúrdeli salalarǵa basymdyq berip otyr. Jol kartasyna sáikes 2025 jyly eksportqa baǵdarlanǵan munai-gaz-himiia óniminiń óndirisin 9 ese ósirýdi qamtamasyz etý kerek», - dedi Premer-Ministr.
Osyǵan orai Asqar Mamin Indýstriia jáne infraqurylymdyq damý ministrligine 3 munai-gaz himiia zaýytyn biyl paidalanýǵa berýdi tapsyrdy.
«Energetika ministrligine «Samuryq-Qazyna» qorymen birlesip, biylǵy jyly Atyraý oblysy men Shymkentte 3 munai-gaz himiia zaýytyn iske qosýdy tapsyramyn. Jiyntyq túrde bul munai-gaz himiia óndirisiniń kólemin 400 myń tonnaǵa deiin arttyrýǵa múmkindik beredi», - degen Úkimet basshysy.
