«Ashyq NQA» portalyna QR Qorǵanys ministrliginiń «2022 jyly áskeri mindettilerdi áskeri jiyndarǵa shaqyrý týraly» buiryqtyń jobasyn jariialandy, dep habarlaidy QazAqparat.
«2022 jyly 1 500 áskeri mindetti áskeri jiyndarǵa shaqyrylsyn», - dep jazylǵan buiryq jobasynda.
Bul buiryq alǵashqy resmi jariialanǵan kúninen keiin kúntizbelik on kún ótken soń qoldanysqa engizilmek.
Qazaqstanda áskeri jiyndar áskeri oqytylǵan rezervtiń quramyn tolyqtyrý jáne Qazaqstannyń Qarýly Kúshteriniń, basqa da áskerleri men áskeri quralymdarynyń jaýyngerlik jáne jumyldyrý ázirligin arttyrý maqsatymen turaqty negizde ótkiziledi.
Jiyndarǵa zapasta turǵan jáne densaýlyq jaǵdaiy boiynsha jaramdy áskeri mindettilerdi uzaqtyǵy bir aidan aspaýǵa tiis oqý jiyndarynan ótýge shaqyrady.
Áskeri jiyndar ýaqytynda áskeri mindettilerdiń jumys orny men atqaratyn laýazymy áskeri bólimge deiin jáne keri qarai jol júrý ýaqytyn qosa alǵanda saqtalady jáne respýblikalyq biýdjet esebinen ortasha jalaqy tólenedi.
Sonymen qatar áskeri jiyndardan jaltarǵany, sondai-aq áskeri jiyndardan ótý kezinde áskeri qyzmet atqarýdyń belgilengen tártibine qarsy quqyq buzýshylyqtar jasaǵany úshin 5 AEK (shamamen 15 900 teńge) mólsherinde ákimshilik aiyppul túrinde ákimshilik jaýapkershilik kózdelgen.
