Biyl «Zerdeli» shaǵynaýdanynda qisaiyp ketken 17 kópqabatty úidi qaita qalpyna keltirý kózdelgen, dep habarlaidy "Ult aqparat".
«QazQSǴZI» AQ baspasóz qyzmetiniń málimetinshe, «Zerdeli-6» shaǵynaýdanynda qisaiyp ketken kópqabatty úilerdi zertteý jumystary 2020 jyldyń qarasha aiynda aiaqtalady.
«Biz barlyq qujatty ákimdikke tapsyrdyq. Qashan jáne qai úidiń irgetasyn nyǵaitý kerektigin ákimdik sheshedi. Biz óz jumysymyzdy tehnikalyq jaǵynan oryndadyq. Al nyǵaitý, qalpyna keltirý, aiaqtaý jumystary týraly suraqqa ákimdik jaýap beredi» dep túsindirdi «QazQSǴZI» AQ baspasóz qyzmeti.
Óz kezeginde ákimdik byltyr «Zerdeli» shaǵynaýdanynda qisaiǵan 7 úidiń qalpyna keltirilgenin habarlady. Biyl taǵy 17 kópqabatty úidiń irgetasy nyǵaitylatynyn atap ótti.
Buǵan deiin «Zerdeli» shaǵynaýdanynda ornalasqan barlyq kópqabatty 32 turǵyn úige tekserý júrgizý úshin 312 million teńge baǵyttalǵanyn jazǵan bolatynbyz.
Eske salaiyq, 2019 jyly Alataý aýdanyndaǵy «Zerdeli» shaǵyn aýdanynyń turǵyndary úileriniń qisaiǵanyn aityp, dabyl qaqqan bolatyn.
Keiin Baqytjan Saǵyntaev qisaiǵan úidiń turǵyndarymen kezdesip, ákimdik olardy kóshirýge daiyn ekenin jetkizdi.
