Almatyda áleýmettik nan baǵasy 2020 jyldyń 1 aqpanyna deiin kóterilmeidi. Bul týraly «Almaty» áleýmettik-kásipkerlik korporatsiiasynyń» AQ basqarma tóraǵasy Asqar Bilisbekov aitty, dep habarlaidy "Ult aqparat".
Asqar Bilisbekovtiń aitýynsha, kelesi jyldyń aqpan aiyna deiin nan baǵasyn ósirmeý úshin birqatar kompaniialarmen memorandýmǵa qol qoiyldy.
«Taraptar 3000 tonna undy belgilengen baǵamen - 115 teńge jetkizetin boldy. Qazir qaladaǵy dúkenderge unnyń baǵasy 125 – 130 teńge aralyǵynda. Áleýmettik nan 2020 jyldyń 1 aqpanyna deiin 75-80 teńgeden aspaityn bolady. Osy baǵany ustap turý úshin biz qazir un óndiretin «Aizet Farms» JShS kelissózder júrgizýdemiz. Iaǵni, biz bul kelisimdi uzartýdy josparalap otyrmyz», - dedi ol baspasóz máslihatynda.
Sondai-aq, ol keibir jerlerde nandy joǵary baǵada satylyp jatqanyna qatysty pikir bildirdi.
«Men búkil qaladaǵy nan satatyn dúkenderdi jaýyp tastai almaimyn. Mysaly, «Aqsai nan» zaýytynyń qalada 200-ge jýyq saýda núktesi bar. Sol dúkenderden «Magnum» jelisiniń baǵasymen nan satyp alýǵa múmkindik bar, onda áleýmettik nan 69 teńgeden satylýda», - dep qosty ol.
Sonymen qatar, ol Almatydaǵy áleýmettik nan baǵasy respýblikadaǵy eń tómen baǵa ekenin atap ótti. Qazirgi ýaqytta áleýmettik mańyzy bar taýarlarǵa baǵany ustap turý jumystary únemi jáne úzdiksiz júrgizilýde.
