Biyl Almatyda «Rahat kz» bazarlary men «Alataý» bazarynyń 4 blogyn jańǵyrtý aiaqtalady. Bul týraly Óńirlik kommýnikatsiialar qyzmeti alańynda ótken brifing barysynda Almaty qalasy Jetisý aýdanynyń ákimi Gúlnar Kókebaeva málimdedi, – dep habarlaidy "Ult aqparat".
Jetisý aýdany - Almaty qalasynyń iri ónerkásiptik aýdandarynyń biri. Aýdanda 941 kásiporyn bar. Onyń ishinde 37 iri jáne ortasha kásiporyn jáne 904 shaǵyn kásiporyn jumys istep tur.
Statistika derekteri boiynsha 2020 jyly ónerkásiptik ónim óndirisiniń kólemi 212,3 mlrd teńge boldy. 2020 jyly bólshek saýda kólemi 743,7 mlrd teńge, kóterme saýda kólemi 1 trln teńge bolǵan. Byltyrǵymen salystyrǵanda jumys istep turǵan ShOB sýbektileriniń sany 8,7% - ǵa ósti.
Ákimniń aitýynsha pandemiiaǵa qaramastan, naryqtardy jańǵyrtý jáne indýstriialyq-innovatsiialyq jobalardyń arqasynda 2020 jyldyń qorytyndysy boiynsha negizgi kapitalǵa 45,8 mlrd teńge investitsiia quiylǵan.
«Biyl «Rahat kz» bazary men «Alataý» bazarynyń 4 blogyn jańǵyrtýdy aiaqtaý, sondai-aq «Keremet» saýda úiiniń qurylysyn aiaqtaý josparlanyp otyr. 3 joba investitsiiasynyń jalpy somasy 2,6 mlrd teńge bolǵan, 880 jańa jumys orny ashylady», - dedi Gúlnar Kókebaeva.
Biyl jalpy investitsiia somasy 1,3 mlrd teńge bolatyn, 150 jumys orny bolatyn «Viraj» avtosalonynyń qurylysyn aiaqtaý kózdelgen.
