Biyl Agroónerkásiptik keshendi damytý jónindegi ulttyq joba qabyldanady. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Biyl Agroónerkásiptik keshendi damytý jónindegi ulttyq joba qabyldanatyn bolady. Oǵan búgin aitylǵan mindetter men olardy iske asyrý sharalardy engizý kerek. Bul rette shoǵyrlandyrylǵan usynystardy ázirleý úshin osy jobany aýyl sharýashylyǵy sýbektilerimen talqylaýdy ótkizý qajet. Aýyl sharýashylyǵy ministrligine atalǵan jumysty biylǵy jyly naýryz aiynyń sońyna deiin aiaqtaýdy jáne Úkimette Ulttyq joba tujyrym-damasynyń tanystyrylymyn ótkizýdi tapsyramyn», - dedi Úkimet basshysy.
Osy rette Premer-Ministr qoiylǵan maqsattardy tiimdi iske asyrý bilikti kadrlardyń bolýyn talap etetindigin basa aitty.
«Salada, ásirese veterinariialyq-fitosanitariialyq qyzmetterde mamandar tapshy, muny tájiribe kórsetip otyr. Aýyl sharýashylyǵy ministrligine Bilim ministrligimen birlesip, agrarlyq ǵylym men bilimdi damytý jónindegi baǵdarlamany ázirleý, agrarlyq joǵary oqý oryndaryndarynyń túlekterin jumysqa ornalastyrý, sondai-aq agroónerkásiptik keshen jumyskerleriniń kásibi biliktiligi damytý boiynsha usynystar engizýdi tapsyramyn», - dedi Asqar Mamin.
